Pamela Anderson është sërish një grua e martuar. Dasma e pestë për aktoren u organizua në një ceremoni privave në Malibu, Kaliforni. Ajo u martua me procudentin e filmave Jon Peters.
“Ata janë shumë të dashuruar dhe u martuan dje,” tha publicisti i Anderson për People.
Producenti i “A Star is Born” u shpreh për Hollywood Reporter: “Ka vajza të bukura kudo. Mund të kisha zgjedhur dikë, por – për 35 vite – kam kërkuar gjithnjë vetëm Pamela-n.”
“Ajo më çmend, në kuptimin e mirë të fjalës. Ajo më frymëzon. E mbroj dhe e trajtoj ashtu siç e meriton,” shtoi Peters.
Pamela Anderson dhe Jon Peters ishin të lidhur në mesin e viteve 1980, por u deshën 35 vite që të kurorëzonin historinë e tyre në martesë. Që prej asaj kohe, të dy kanë qenë të martuar me të tjerë njerëz, përkatësisht katër herë.
Anderson, 52 vjeç, ka qenë e martuar me Tommy Lee (1995-1998), Kid Rock (2006-2007), Rick Salomon (2007-2008). Me këtë të fundit u martua sërish në 2014-n, për t’u divorcuar një vit më vonë. Një vit më parë, Anderson i dha fund romancës problematike me futbollistin Adil Rami.
Nga ana tjetër, producenti 74-vjeçar ka qenë i martuar me Henrietta Zampitella (1962-1966), Lesley Ann Warren (1967-1977), Christine Forsyth (1987-1993) dhe Mindy Peters (2001-2004).
