Çfarë mund të jetë më romantike ditën e Shën Valentinit sesa qëndrimi në Shtëpinë e Xhuljetës – Casa di Giulietta – në Verona? Airbnb do t’i dhurojë një çifti me fat një natë qëndrim në shtëpinë në fjalë dhe shansin për të përjetuar romancën e tyre shekspiriane.
Fituesi dhe partneri do të priten nga një shërbëtor dhe do të hanë darkë nën dritën e qirinjve në sallën e madhe të ngrënies që është e mbushur me lule. Darkën do ta gatuajë shefi me dy yje Michelin, Giancarlo Perbellini.
Fituesi i konkursit dhe dashuria e jetës së tij do të bëjnë edhe një turne të qytetit, të frymëzuar nga historia e Romeos dhe Xhuljetës.
Kjo është hera e parë që nga vitet 1930 që godina e shekullit të 13 në qendër të Veronës do të mirëpresë mysafirë. Edhe pse Shekspiri se përcakton në asnjë moment shtëpinë e Xhuljetës, Casa di Giulietta është konsideruar gjithmonë si destinacioni i të dashuruarve.
Pasi të eksplorojnë qytetin dhe pasi të darkojnë, çifti do të shtrihet të flejë në shtratin e Xhuljetës. Shtrati është pikërisht ai që është përdorur në filmin e Franco Zeffirelli të 1960-s.
E vetmja gjë që duhet të bëni është të shkruani një letër ku tregoni historinë tuaj të dashurisë dhe jepni disa arsye pse ti dhe partnerja jote jeni çifti i duhur për të vizituar Veronën. Për fat të keq, Shqipëria nuk renditet në shtetet që kualifikohen për këtë konkurs.
Por, përgjatë shkurtit mund të prenotoni një udhëtim në Verona, të hani darkë të përgatitur nga shefa me yje Michelin, t’u ktheni përgjigje letrave që i vijnë Xhuljetës nga gjithë bota, të bëni foto të bukura dhe të ecni krah për krah njeriut të zemrës. S’keni nevojë për Airbnb.