Sikur të mos mjaftonin postimet dorë për dore me një burrë misterioz, Loredana i vuri vulën dyshimeve se ka rigjetur ngrohtësinë e dashurisë te dikush tjetër. Pak orë më parë, në Instagramin e saj u publikua kjo foto ku reperja është mbështetur butësisht në gjoksin e dikujt tjetër, në gjoksin e të njëjtit burrë misterioz që i mban dorën (?)

Përveç kësaj, Lori fotografoi edhe njëbrirëshin e saj prej pellushi nën kullën Eifel. Po ta ndiqni në Instagram, duhet ta keni vënë re që ka një marrëdhënie të çuditshme me pellushin – e poston shpesh, e përkëdhel, e trajton ashpër – që të krijon idenë se është dhuratë nga dikush me rëndësi. Prezenca e njëbrirëshit në Paris është një sinjal i koduar, por s’e çfarë apo për kë... mister sërish.

Sidoqoftë, më të qartë se kaq s’mund të na e bëjë ne dhe Mozzikut se tani është me dikë tjetër. Hiqni dorë nga shpresat fansa të çiftit. Nja dy këngë të ndjera dhe ca intervista zhbiruese nuk mjaftuan për të siguruar një ribashkim. E kuptojmë. Tani thuaj me kë je ose mos ngacmo më. 

Thonë që i dashuri i ri i Loredanës është Macloud, producenti i këngëve të saj. Provat? Edhe ai ndodhet në Paris.