Monica Bellucci nuk do të marrë pjesë në festivalin e Sanremos! Ndryshe nga ç'ishte konfirmuar, aktorja nuk do të jetë krah Amadeus dhe prezantueseve të tjera gjatë festivalit. Një lajm të tillë, Bellucci e pohoi përmes një konference për shtyp ku tha:

"Unë dhe Amadeus jemi takuar muaj më parë për të diskutuar rreth një projekti që do bënim bashkë. Në fakt, për arsye të rëndësishme nuk arritëm në një përfundim të përbashkët. Uroj që të realizohet një festival sa më i bukur për të dhe gjithë ekipin e tij dhe le të shpresojmë për një tjetër mundësi në të ardhmen."

Tërheqja e aktores nga festivali, edhe pse emri i saj ishte konfirmuar nga vetë drejtori artistik i festivalit, u parapri nga ajo e reperit të famshëm Salmo, i cili u tërhoq duke thënë se do të ndihej në siklet dhe se nuk e ndjente veten mirë si pjesë e Sanremos.

Reperi italian ishte i ftuar të performonte në natën e parë të Sanremos, por në vend të tij do të jetë Junior Cally.

Përsa i përket yllit të filmave, ende nuk ka asnjë reagim dhe nuk dihet cilat ishin arsyet që Bellucci u tërhoq nga festivali, ku bashkë me 9 prezantuese të tjera (mes tyre dhe Alketa Vejsiu) do të prezantonin edicionin e 70-të të Sanremo-s.

Burimi: Corriere Della Sera