Princ Harry, Duka i Sussex-it, theu për herë të parë heshtjen gjatë një fjalimi mëngjesin e të shtunës, teksa shprehte "trishtim të madh" për tërheqjen e tij dhe të Meghan-it nga pallati mbretëror.
"Mbretëria e Bashkuar është shtëpia ime dhe një vend që unë e dua. Kjo s'do të ndryshojë kurrë. Vendimi që unë mora për vete dhe bashkëshorten time, për t'u tërhequr nuk ishte i thjeshtë. U mor pas shumë muajsh bisedimesh dhe shumë vitesh plot sfida. Jo gjithmonë i kam bërë gjërat siç duhet, por kështu siç shkuan, s'kishte asnjë opsion tjetër. Shpresa jonë ishte të vazhdonim t'i shërbenim Mbretëreshës, federatës dhe ushtrisë, por pa përdorur fondin publik. Fatkeqësisht, kjo s'është e mundur."- u shpreh Harry.
Në fillim të janarit, çifti konfirmoi vendimin për të hequr dorë nga rolet si pjestarë të familjes mbretërore dhe për ta ndarë jetesën mes Anglisë dhe Amerikës së Veriut. Nga ana tjetër, mbretëresha e pohoi se familja ka gjetur gjuhën e përbashkët dhe se gjithnjë Meghan, Harry dhe Archie do të jenë të mirëpritur në familje.
Çifti Sussex nuk do t'i përdor më titujt mbretëtore dhe nuk do të punojnë më në funksion të mbretërisë.
Meghan dhe Harry do të kthejnë mbrapsht taksapaguesëve britanikë rreth 2.4 milion paund, të përdorura për rinovimin e shtëpisë në Frogmore Cottage.
"E pranova këtë vendim duke ditur se kjo s'do të ndryshojë atë që unë jam, apo përfshirjen time në familje.- vazhdoi Harry. Unë i përkas kësaj lloj jete dhe ka qenë një nder i madh për mua t'i shërbej këtij vendi dhe mbretëreshës.
Kur humba nënën 23-vite më parë, ju më morët nën krahët tuaj. Më keni përndjekur për shumë gjatë, por media është një forcë e madhe, por shpresoj që mbështetja jonë për njëri-tjetrin të jetë edhe më e madhe se ajo. Do të kem gjithnjë respekt maksimal për gjyshen time dhe jam ekstremisht mirënjohës për të dhe gjithë familjen time, si dhe për respektin që që ata kanë treguar ndaj Meghan-it muajt e fundit."- përfundoi ai.
Britanikët, kanë treguar mbështetje maksimale, por përtej të gjithave, mbretëresha Elizabeth shprehet e trishtuar për faktin që bebushi Archie do të rritet larg shtëpisë dhe kushërinjve të tij.
