Dizajneri i famshëm, Jean Paul Gaultier po përgatitet t'i thotë lamtumirë pasarelave! Gaultier, i famshëm për krijimet e guximshme të modës së lartë, njoftoi dje përmes Twitter-it se sfilata që do të mbahet pas disa ditësh në Paris, do të jetë e fundit!
"Përmes kësaj sfilate, që përkon me 50 vitet e karrierës sime do të jetë gjithashtu shfaqja e fundit. Gjithsesi, të jeni të sigurtë që konceptet e reja në Haute Couture do të vijojnë!"- u shpreh ai përmes një videoje.
This show celebrating 50 years of my career will also be my last. But rest assured Haute Couture will continue with a new concept. pic.twitter.com/PJCC53K4tm
— Jean Paul Gaultier (@JPGaultier) January 17, 2020
Në 5 dekada karrierë, dizajneri francez krijoi kompaninë e tij në 1976-ën dhe që prej asaj kohe punoi me elitën e botës së artit dhe jo vetëm. Një prej punimeve ikonike të tij është korseja-trup që Madona veshi në një prej tureve të saj muzikore, "Blond Ambition World Tour" e cila ka arritur të shitet me shifra të frikshme që kapin $52,000.
Gaultier, nga 2003 në 2010 shërbeu si drejtori artistik i shtëpisë luksoze të modës "Hermes".
Në video, shihet që Paul Gaultier e jep lajmin teksa telefonin njerëzit e tij më të afërt për t'ju bashkuar shfaqjes që do të mbahet më 22 janar.
Pavarësisht tërheqjes nga shfaqjet e modës, ai do të sjellë shpejt një projekt të ri që mban emrin e tij, por ende nuk dihet për çfarë bëhet fjalë.
