Gjatë jetës, Arbana ka dëgjuar më shumë pyetjen "kur do të fillojë Big Brother-i" se sa "si je". Sado që vitet kalojnë dhe formate të tjera dalin në dritë, njerëzit e kanë mendjen po aty: "A do të ketë më Big Brother"?!

Dje në mbrëmje, Arbana Osmani gjeti kohë për të biseduar me ndjekësit e saj përmes rubrikës pyetje-përgjigje në Instastory. Mes qindra pyetjesh, më e shpeshta ishte ajo më lart.

"Po Big Brother nuk do të ketë më nga ty? Na mungon shumë ai format, me ty në krye."- shkruan dikush.

Edhe pse kjo nuk është hera e parë që moderatores i duhet të flasë dhe të sqarojë njerëzit për "Big Brother", vendos sërish të përgjigjet.

"Pyetja e jetës! As "si je" nuk më është bërë më shumë se kjo pyetje! Big Brother do ketë, por jo këtë vit. Më vjen mirë që ky program kërkohet kaq shumë dhe uroj që Top Channel të mund ta sjellë vitin që vjen."- shkruan Arbana.

Pra, me shumë shanse, vitin tjetër, ka Big Brother. Kush do ta prezantojë?! As Arbana nuk e di!

"Mos më pyesni që tani nëse pas një viti do të jem unë prezantuesja sepse nuk e di çfarë do të ndodhë!" 

U kuptuam? Për momentin duhet të ndihemi të qartë!