Në rast se keni qenë të fshehur brenda një shpelle dhe nuk e keni mësuar, bota prej 3 ditësh po zien nga vendimi i Meghan dhe Harry-it. Duka dhe Dukesha i Sussex-it hoqën dorë nga detyrat mbretërore dhe thanë se në vazhdim do të jenë të pavarur financiarisht.
Kjo përkthehet në dramë brenda pallatit mbretëror dhe me çfarë thuhet deri tani, të gjithë janë të inatosur me çiftin. Meghan dhe Harry as nuk ja treguan vendimin e marrë pjestarëve të familjes para se ta bënin publik dhe kjo, i ka zhgënjyer të gjithë.
Princi Charles thuhet se u informua rreth lajmit vetëm 10 minuta para se ta merrte vesh bota, kurse William ndihet i zhgënjyer dhe i lënduar nga i vëllai dhe Markle.
Mes gjithë dilemave të tjera, lind pyetja: Çfarë ndodhi që dyshja bën publik një lajm si ky pa e diskutuar ende mirë në familje? Thuhet, se Meghan dhe Harry ishin të detyruar ta tregonin vendimin publikisht për shkak të tabloidit britanik, The Sun. Ky i fundit e kishte zbuluar lajmin dhe po planifikonte të publikonte një artikull rreth tij.
Në mënyrë që lajmi të mos dilte nga The Sun, çifti u detyrua ta tregonte vetë përpara. Nëse diçka e tillë është e vërtetë, morëm shumë përgjigje, por sidoqoftë, asgjë që zbeh zemërimin e mbretëreshës.
Burimi: Cosmopolitan
