Kur Stella McCartney njoftoi në Instagram se Joaquin Phoenix do të veshë të njëjtin kostum në çdo ceremoni ndarjesh çmimesh, publiku u çudit. Phoenix vërtet nuk është ikonë mode si e zëmë, Timothée Chalamet, por zgjedhja e tij na rikujton menjëherë debatin mbi impaktin mjedisor që kanë garderobat e të famshmëve. Premierat, festat dhe ceremonitë kërkojnë pafund krijimin e veshjeve të reja dhe dërgimin e tyre nëpër vende të ndryshme në botë përmes avionëve. Duke pasur parasysh këto faktorë, yje të shumtë kanë gjetur një mënyrë për të dëmtuar sa më pak mjedisin teksa mahnisin mediat në tapetin e kuq. Aktore si Emma Watson dhe Rooney Mara vishen vetëm nga firma ekologjike dhe përzgjedhin fustane të vjetra, por sidoqoftë, mënyra më e thjeshtë për të pakësuar impaktin negativ në mjedis është veshja e të njëtit fustan disa herë.
Më parë, të famshmit duhej të vishnin diçka të re sa herë dilnin në publik, por së fundi, këto pritshmëri janë shpërbërë. Tiffany Haddish veshi të njëjtin fustan që bleu për premierën e “Girls Trip” plot pesë herë. Dhe s’është e vetmja.
Kur Kim Kardashian gjeti një palë pantallona piton nga koleksioni pranverë/verë 2000 i Gucci-t, u sigurua t’i nxirrte lekët e veta. Ylli i reality i ka veshur pantallonat të paktën katër herë dhe i ka kombinuar me trupore Roberto Cavalli, xhaketë burrash Dior etj. Victoria Beckham gjithashtu veshi një nga kostumet e saj në një festë të GQ dhe në lançimin e bashkëpunimit të saj më Augustinus Bader duke vërtetuar se një kostum i bardhë, vishet kudo.
Trendi ndiqet edhe nga familja mbretërore. Për të qenë më pranë popullit, Kate Middleton, Mbretëreshë Letizia dhe Meghan Markle i veshin disa herë rrobat që blejnë.
Përtej të mirës që i bëjmë mjedisit duke e përdorur një veshje më shumë se sa një herë, i bëjmë dhe një të mirë krijuesit, duke nderuar kështu punën e tyre.
Kate Moss me një fustan vintage në Festivalin e Filmit në Kanë 1998 dhe në festën e 100-vjetorit të Coty në vitin 2004.
Victoria Beckham veshur me Victoria Beckham në GQ Men of the Year Awards në shtator të 2019-s dhe në eventin e Violet Grey x Victoria Beckham Beauty në nëntor të 2019-s.
Tiffany Haddish veshur me Alexander McQueen në premierën e “Girls Trip” në korrik të 2017-s dhe gjatë “Saturday Night Live” në nëntor.
Keira Knightley veshur me Chanel në festën e Finch & Partners Pre-BAFTA në vitin 2008 dhe në Serious Fun’s London Gala në vitin 2013.
Kate Middleton veshur me Alexander McQueen në British Academy Film Awards në shkurt të 2017-s dhe në National Portrait Gala në 2019-n.
Jane Fonda veshur me Saint Laurent gjatë shfaqjes së koleksionit të burrave Saint Laurent vjeshtë 2016 dhe në festën e UCLA Institute of the Environment and Sustainability në mars të 2016-s.
Kirsten Dunst veshur me Christian Lacroix gjatë Vanity Fair Oscar Party në vitin 2004 dhe gjatë Chopard presents the Garden Of Kalahari në 2017-n.
Cate Blanchet veshur me Armani gjatë Golden Globes 2014 dhe Festivalit të Filmit në Kanë në 2018-n.
Meghan Markle veshur me Reformation gjatë vizitës në Australi dhe Afrikën e Jugut në 2019-n.
Helen Mirren veshur me Dolce & Gabbana gjatë Empire Awards dhe Prince’s Trust Celebration, të dyja mbajtur në mars të 2013-s.
Rita Moreno veshur me Pitoy Moreno gjatë Academy Awards të viteve 1962 dhe 2018.
Michelle Obama veshur me Dries van Noten në World Innovation Summit for Education në 2015-n dhe në ceremoninë e Presidential Medal of Freedom në 2016-n.
Winona Ryder menjë fustan vintage në premieën e “Murderball” në vitin 2005 dhe në Help Haiti Home Gala në 2014-n.
Kim Kardashian West veshur me Tom Ford për Gucci në Los Angeles në gusht të 2019-s dhe gjatë shfaqjes së Dior Men Runway në dhjetor të 2019-s.
Meryl Streep veshur me Catherine Malandrino në premierën e “Doubt” në 2009-n dhe Democratic National Convention në 2016-n.
Sarah Jessica Parker në shfaqjen e “At Home With Amy Sedaris” dhe gjatë një paneli PGA, të dyja në tetor të 2017-s.
