Fakti që këtë fundvit u shpërqëndruam pak nga tërmeti dhe i dekoruam shtëpitë më vonë se një vit më parë nuk pati dhe aq ndikim në rezultatin përfundimtar. Mesa vumë re nga fotot që na dërguat në Facebook a Instagram, bredhi i Krishtlindjeve ishte të paktën për t'u pasur zili.
Gjatë hulumtimit tonë shumë serioz, dolëm në përfundimin që të gjithë bredhat në shtëpitë shqiptare ndahen në tre kategori: Bredhi Klasik, Bredhi Jo Dhe Aq Klasik dhe Bredhi i Katalogut.
Bredhi Klasik është... klasik. Gjatësi dhe dendësi normale. Dekorime të kuqe, sigurisht, dhe një ngjyrë tjetër që nuk përplaset shumë me të kuqen. Dritat duhet të jenë natyrale, që të duket sikur bredhi ndriçon vetë.
Bredhi Jo Dhe Aq Klasik vjen në blu, tërësisht i bardhë apo kokëposhtë. Nëse hyni në shtëpinë e dikujt me një Bredh jo dhe aq klasik, kujdesuni të mos vishni blu nate me të zezë, sepse dijeni që do t’ju gjykojnë. Të zotët e këtij bredhi janë detajistë dhe kanë durim të hekurt.
Bredhi i Katalogut ngjan sikur e ke marrë nga faqet e një reviste a reklame dhe e ke vënë në shtëpi. Është i pacen, i paprekshëm, i pakrahasueshëm.
Bonus, këta katërputroshë që s'e dimë si s'e kanë rrëzuar akoma në tokë bredhin e tyre dhe të fqinjit.
