Chris Brown është bërë baba për herë të dytë.
Këngëtari dhe ish e dashura e tij, Ammika Harris, u bënë prindër të një djali, i cili u lind më 20 nëntor. Sot, ai postoi foton e parë të bebushit, bashkë me emrin.
Në foton bardhë e zi shfaqen këmbët e djalit, ndërsa në përshkrim bëhet i ditur emri: Aeko Catori Brown.
Imazhi mendohet të jetë nga një set fotografik, fotoja e parë e të cilit u postua më 20 nëntor. Në foton e publikuar asokohe, Chris duket i buzëqeshur, duke parë djalin e sapolindur.
Aeko ka një motër të madhe 5-vjeçare të quajtur Royalty, nëna e të cilës është Nia Guzman.