Showbiz dhe TV

Ardit Gjebreas i vjen keq që s’bëhet më 'Top Fest'

Shkruar nga Anabel

8 Dhjetor 2019

Ardit Gjebreas i vjen keq që s’bëhet më 'Top

Edicioni i këtij viti i “Këngës Magjike” erdhi me ndryshime madhore. Së pari u lejua pjesëmarrja e artistëve të huaj në dy kategori, të rinj dhe të mëdhenj; dhe u ndryshua mënyra e votimit duke lejuar votimin e publikut përmes telefonit. Këto ndryshime hasën pak rezistencën nga disa artistë të pranishëm në sallën e të “Dielës Shqiptare,” rezistencë që u pasua nga një sqarim nga producenti Gjebrea.

Ai shpjegoi së pari se shumë vende të botës kanë një festival ndërkombëtar, por Shqipëria jo. Të paktën deri këtë vit. Gjebrea sheh tablonë e madhe të asaj ç’po ndodh dhe e kupton që një festival është më shumë se një festival: është një përfaqësues i kulturës në vend në një moment të caktuar. Pikërisht për këtë arsye atij i vjen keq që ka kaq pak organizime në vend.

“Unë mendoj që Kënga Magjike dhe Festivali i Këngës janë dy festivale që i kanë dhënë njëri-tjetrit dhe i kanë sjellë të mira muzikës shqiptare, me defektet që kanë se është e pamundur të jesh perfekt. Të dy festivalet së bashku kanë dhënë një kontribut. Personalisht më vjen shumë keq që s’është Top Fest, sepse ka qenë një vlerë e shtuar. Kam ndjerë keqardhje në momentin që s’është bërë më sepse ka qenë një mundësi për artistët. Ka artistë që jetojnë me këtë lloj muzike, me këtë lloj aktiviteti, ndryshe nga të tjerë që jetojnë në videoklipe a në koncerte. Festivalet janë një ndihmë për artistin, por edhe për publikun, edhe për atë që japim dhe marrim. Në këtë moment, mungon një festival ndërkombëtar.”

Për ta bërë më të qartë, konkurrenca i bën mirë kujtdo, në çfarëdolloj industrie, sepse thjesht i shtyn pjesëmarrësit të jenë më të zotët.

Edicioni i fundit i “Top Fest” u mbajt në vitin 2015, pati rreth 100 pjesëmarrës dhe fitues u shpallë Ermal Fejzullahu, Lumi B dhe Ledri Vula.

MOS I HUMBISNI