Përjetimi i një traume mund të të lërë me pasoja dramatike si mendore ashtu dhe fizike.
Kur jemi të kërcënuar ndaj diçkaje, trupi aktivizon përgjigjen ndaj stresit. Kjo lloj përgjigje ndodh si në trup ashtu dhe në trurin tuaj.
Përgjigja e stresit akut është përgatitje për një emergjencë. Adrenalina dhe hormone të tjera çlirohen. Trupi mbyll proceset që lidhen me kujdesin afatgjatë. Kur janë të kërcënuara, riprodhimi, tretja apo funksione të tjera të trupit bëhen krejt të parëndësishme.
Kjo sepse urgjenca është mbijetesa. Rritja e nivelit të sheqerit në gjak mundëson energji të shtuar muskujsh. Rritja e kortisolit vepron kundër dhimbjes apo inflamacionit. Presioni i gjakut rritet gjithashtu. Gjatë momenteve të emergjencës, niveli i rritur i endrofinës bën që njeriu ta injorojë dhimbjen fizikie.
Të gjitha këto efekte trupi i jep përmes simptomave të stresit siç janë: rrahje të shpejta zemre, dridhje trupi, djersitje, nxehtësi të brendshme, përzierje, frymëmarrje të çrregullt.
Sigurisht, të gjitha këto shoqërohen me pasoja psikologjike siç janë: mendimet negative, shqetësim, vështirësi në gjumë, probleme me përqëndrimin, ndjenja faji apo gjykimi, nervozizëm dhe ankth që të shoqëron për një kohë të gjatë.
Mund të lexoni: Si të lehtësoni ankthin e fëmijëve pas tërmeteve
Pas një tragjedie të tillë: Si ndikon trauma në një lidhje
