Kushërira martohet në gusht dhe ti s’di akoma ç’të veshësh?! Hidhi një sy Selena-s dhe puna u zgjidh.

Ndonëse këngëtarja ka zgjedhur të mbajë profil të ulët social, kjo s’do të thotë që nuk është entuziaste për eventet në të cilat merr pjesë. Në dasmën e kushërirës përshembull, dukej një yll dhe kishte zgjedhur një fustan sa të thjeshtë aq edhe glamoroz.

Ylli i Disney-it ishte e ftuara e nderit në ceremoninë e Priscilla-s dhe u shfaq e veshur me një fustan të zi pas trupit dhe mëngë të rëna, që e bëjnë bustin të duket më bukur se çdo herë tjetër.

Edhe pse ajo vetë s’ka postuar ende asnjë foto, në Instagram dhe Tëitter qarkullojnë video ku duket se këngëtarja po kalon kohën më të mirë me miqtë dhe familjen e saj!

Fustanin, Selena e kishte kombinuar me një grim të thjeshtë dhe flokë me onde.

“Ti më mësove si të jem e fortë! Unë lutem për ju të dy gjatë gjithë kohës!- dëgjohet të thotë Selena gjatë fjalimit që mbajti në dasmë.

Me siguri, me shumë gjasa ju nuk do të keni punë ~kaq të vështirë~ sa të mbani fjalim në një dasmë, por mund të dukeni po kaq bukur sa Gomez! Një fustan i zi si ky dhe gati për dasmë.