Në “Për’Puthen”, gjatë takimit të saj me Silvion, djalin shqiptar që erdhi nga Italia pikërisht për të, Ina për herë të parë rrëfeu një histori të dhimbshme të së kaluarës. Ndonëse përpiqet që jetën private të mos e prekë gjatë takimeve me djemtë, në një moment iu kthye të kaluarës.

Teksa Silvio i tregoi për një tatuazh ku ishte dashuria e parë e jetës së tij, Ina tregoi se në pjesën e brendshme të krahut mban një tatuazh ku shkruhet “eres el amor de mi vida” (je dashuria e jetës sime), dedikur të dashurit që u nda nga jeta.

“Është bërë para se të vdiste, por pavarësisht se ai nuk jeton më, unë kam vendosur ta mbaj. Është pjesë e jetës sime. Ne nuk u ndamë, ishte tragjedi ajo që ndodhi,” tha ajo.

E pyetur gjatë emisionit se përse vendosi që ta ndante historisë, Ina u përgjigj:

“Në fakt, pas ngjarjes e kam pasur shumë të vështirë që të ndërtoj marrëdhënie [të tjera]. Në fillim nuk e përjetova si vdekje, nuk e besoja dhe kisha dramat e mia psikologjike. Por Silvio kishte tatuazh dashurinë e parë të jetës së tij. Ai mund të kishte gënjyer, por u tregua i sinqertë dhe kjo më ndihmoi që të ndaja një histori personale të jetës sime.”

Tjetër artikull i rekomanduar: Eno bën deklaratën shokuese për Antonetën