Sado kontradiktore t’ju duket, nuk e mohoni dot që jeni të interesuar. Së pari, urojini ditëlindjen Brunes, që dje mbushi plot 25 vite në treg. Së dyti, tregohuni pakëz të duruar për të zbuluar dhuratat.
Stafi i Brunes, bashkëpunëtorë, klientë të kompanisë dhe emra të njohur të jetës publike në vend, u bënë bashkë dje në ambientet e showroom-it në autostradë për të kremtuar përvjetorin e rëndësishëm. Rreth 1500 njerëz shijuan pijet, ushqimet dhe shoqërinë e njëri-tjetrit para se të niste shfaqja e përgatitur. Drini Zeqo shërbeu si moderator gjatë mbrëmjes, e cila nisi një film të shkurtër mbi historikun e kompanisë dhe stafin, që është zemra e saj. Pas imazheve frymëzuese, në skenë u ngjit themeluesi i Brunes, Geront Çela, i cili u kujdes të falenderonte të gjithë ata që e kishin mbështetur Brunes këtë çerek shekulli: Stafi, klientët dhe bashkëpunëtorët. Ministri për Mbrojtjen e Sipërmarjes, Eduart Shalsi, gjithashtu foli shkurtimisht për rolin e bizneseve si Brunes në ekonominë vendase. Dhe pas kësaj filloi festa me Lind Islamin dhe Juliana Pashën.
Arritët deri këtu, pra është momenti të zbuloni dhuratat. E para është gjigante. Është aq e madhe sa nuk paketohet dot me letër me lule e ngjyra. Është showroom-i i ri i Brunes, në kuptimin e parë të fjalës më i madhi në vend. I vendosur në katër kate dhe rreth 10 mijë metra katrorë, ky showroom kënaq dëshirat e çdokujt. Është e pamundur të mos gjeni atë që jua do halli apo zemra.
Çdo kat ka një tematikë të caktuar. Në katin e parë, gjeni çdo gjë për tualetin, duke nisur që nga dushi e deri te jacuzzi. Në katin e dytë gjeni një labirint divanesh e kanapesh, kolltuqesh dhe poltronash. Në katin e tretë gjeni shtretër që të ftojnë të shtrihesh e të marrësh një sy gjumë. Prandaj nuk e zbuluam ç’ka në katin e katërt. Do ta zbuloni ju për ne. Nuk do t’ju gjykojmë nëse ju zë gjumi te i treti, ta dini. Dyshekët Tempur janë shumë ndjellës.
Dhurata e dytë e Brunes për ju janë uljet masive që po bëjnë për hir të ditëlindjes. Çdo produkt i Brunes, në çdo pikë tyren, do të jetë me 25-60% ulje. Dhe njëherë: 25-69% ulje për çdo produkt, kudo që lexon Brunes. Imagjinojeni pak. Kuzhina e ëndrrave tuaja është papritur brenda buxhetit. Madje, mund të blini dhe një tavolinë të vogël për të kopsitur sallonin. Ah, po ajo biblioteka. Tani është thuajse falas. Nëse këto ulje të frikshme s’ju motivojnë për ri/arreduar shtëpinë, nuk besojmë t’ju motivojë gjë. Uljet zgjasin deri në fund të 2019-s, kështu që quajini edhe si dhuratë Krishtlindjesh.
Në të vërtetë, dhuratën do t’ia bëni ju vetes, lëreni ç’themi këtu. Kur të jetoni në një shtëpi të arreduar nga Brunes me ndihmën e arkitektëve të tyre, do të ktheni kokën pas dhe do të falenderoni veten. Brunes nuk është rastësisht një gjigant në treg dhe jo më kot ka mbijetuar kaq gjatë. Me përvojën shumëvjeçare dhe me motivimin për të qenë gjithnjë e më të arrirë, fare mirë mund të themi që dy gjëra bëhen më të mira me kalimin e kohës: vera dhe Brunes.
Foto nga eventi: