Nëse doni të ngisni një makinë elektrike dhe të mbroni mjedisin, Shqipëria është vendi ideal. Një studim i publikuar para disa vitesh, shpall vendin tonë si më të mirin për makinat elektrike pasi e gjeneron gjithë elektricitetin nga hidrocentralet. Pra, kur karikohet një makinë elektrike, karikohet nga një burim i rinovueshëm energjie.

Ky studim thekson se përdorimi i një makinë elektrike si Tesla a marka të ngjashme nuk i bën menjëherë mirë mjedisit. Elon Musk, CEO i Tesla, ka qenë i apasionuar pas makinave elektrike për 25 vjet, por këtë pasion e shoqëron me projekte që kanë në fokus panelet diellore; një tentativë për të shtyrë botën drejt përdorimit të burimeve të rinovueshme të energjisë.

Në studim u zbulua se, teksa një makinë që operon me benzine përshkon 52 km për afro tre litra benzinë, një makinë elektrike në Shqipëri përshkon afro 8000 kilometra për ekuivalenten e tre litrave benzinë.

Nëse po shqetësoheni për karikimin e makinave Tesla, Elon Musk ka në plan që brenda 2019-s, gjithë Europa të ketë Superchargers, siç njihen stacionet e karikimit. Sidoqoftë, jemi në fund të vitit dhe s’kemi vënë re asgjë në terren dhe në faqen zyrtare të Tesla, nuk projektohet instalimi i këtyre stacioneve në të ardhmen.

Burimi: Inverse, TechCrunch