Teksa të gjithë portalet diskutonin për divorcin e Rudina Dembacajt, nga ana tjetër aktorja – e cila ka moto “pak fjalë dhe shumë punë” – i ishte përkushtuar një projekti të ri. Pas pasionit për teatrin dhe televizionin, Dembacaj po drejtohet drejt një tjetër qëllimi, biznesit.
Dje, në një ceremoni me afro 600 të ftuar, ku pjesa më e madhe qenë personazhe të njohur, Rudina Dembacaj inaguroi “Cormeum”, një hapësirë multifunksionale, që do të organizohet mes kuzhinës së rafinuar dhe asaj tradicionale, picave të pjekurra në furrë dhe kantinës së verërave të ndryshme.
Në “Cormeum”, që nga latinishtja do të thotë “zemër”, Rudina është përpjekur të ndërthurë shijet e fëmijërisë duke u bazuar te kuzhina tradicionale e zonës së Lezhës, Shëngjinit dhe Pukës.
Përpos kësaj, një hapësirë e madhe e rafinuar është pëzgjedhur për realizimin e eventeve, darkave familjare, festa të ndryshme si edhe dasmave. Për Rudinën, “Cormeum” ka për qëllim të shndërrohet në një hapësirë të përshtatshme për të gjitha moshat dhe shijet.