KESHILLA PER BLERJET TUAJA
Instagramming

Big Mama për të atin e ndjerë: 'Edhe pse e thyer, ky është premtimi im i fundit!'

Shkruar nga Anabel

15 Nëntor 2019

Pak ditë më parë, Big Mama humbi të atin si pasojë e një sëmundjeje të rëndë. Lajmin, këngëtarja e bëri vetë të ditur, përmes një postimi në Instagram. Sot, 1 javë pas humbjes së tij, Big Mama ndau me ndjekësit një shkrim në formë 'letre' kushtuar të atit.

"Baba! Dashuria ime e parë dhe e fundit! Asnjëherë nuk kam dashur dikë si ti dhe kurrë nuk do të dua dikë si të kam dashur ty. Krenare që jam bija jote, faleminderit që je babai im. Unë dhe ti s'jemi ndarë, vetëm kemi filluar një komunikim tjetër që për ne është i panjohur. Kam pasur, kam dhe do të kem babain më të mirë në botë. Faleminderit për dashurinë që më dhe, për bisedat tona të gjata, të cilën vetëm ti ke mundur të mi bësh në mënyrën më të dashur dhe me humor, të cilin e trashëgova dhe unë nga ti. Faleminderit që çdo herë ke patur kohë për mua.

Faleminderit që çdo herë ke mirëkuptuar sjelljet e mia.Faleminderit që më tregove rrugën e jetës dhe faleminderit për fëmijërinë time të lumtur. Faleminderit që më mësove t'i dua njerëzit. Këto falenderime baba dhe 1 milion të tjera i kam në shpirt...Premtoj që do t'i realizoj ëndrrat që kishe për mua. Çdo pjesë e qënies time është pjesë e jotja. Unë jam ti. Të premtoj që do t'i vazhdoj të gjitha aktivitetet me humorin që ma trashëgove ti dhe nuk do ndalem. Edhe pse e thyer, ky është premtimi i fundit që të dhashë. Ne nuk u ndamë, thjesht ndërruam mënyrën e komunikimit. Të dua pafundësisht, vajza jote!"- shkruan ndër të tjera Big Mama.

Përtej dedikimit prekës, këngëtarja s'ka harruar të falenderojë të gjithë ata që i qëndruan pranë gjatë kësaj periudhe të vështirë.

MOS I HUMBISNI