Gjatë Camp Flog Gnaw – një festival vjetor muzikor në Amerikë i krijuar nga reperi Tylor, The Creater – të dielën, fansat shpërthyen negativisht pasi në skenë u ngjit Drake si i ftuari special i mbrëmjes. Mendohet se turma nuk kishte gjë personale me Drake, por priste që në skenë të performonte Frank Ocean. Për fatin e tyre të keq, qe Drake.

“Është nga dashuria,” tha Drake i sikletosur.

Tyler, The Creator reagoi në Twitter duke thënë, “Mendova se të sillja një prej artistëve më të mëdhenj në planel do të ishte nam.”

Drake – që duket se nuk i ka dalë ende inati – postoi një foto me Tyler, The Creator duke ironizuar se “ka nënshkruar me festivalin për 10 vitet e ardhshme”. “Më falni fëmijë. Shihemi çdo vit derisa të jeni 30 vjeç,” shkroi ai në Instagram.

Megjithatë situate nuk qe dhe aq e tmerrshme sa duket, pasi fansat bënë ç’bënë dhe e pranuan faktin që nuk do të ishte Frank Ocean. Donin a s’donin, kërcyem me “Started From The Bottom".