Fjalisë “Kida nuk guxon kurrë” duhet t’i rregullojmë gjymtyrët përbërës në “Kida nuk guxonte kurrë...deri dje”. Këngëtarja ka qëndruar gjithnjë në të njëjtat ujëra. Videoklipet e saj kanë qenë përgjithësisht buzë pishinës, me rroba banjo, në disa raste e rrethuar me lule, herë tjetër me më shumë lule seç duhet, ndërsa në klipe të tjera ka preferuar më së shumti stilin sportiv, me xhaketa xhins dhe kapele.

Kënga e fundit, “Malli”, e sjell Kidën në një tjetër formë. Në një pjesë, ajo shfaqet e veshur me një xhaketë të gjerë nga dizajnerja Diana Qerimi, rrethuar me para të hedhura shkujdesur mbi shtrat.

Më vonë, kërcen përpara një pasqyre e veshur me një trupore që zbulon shpinën dhe nxjerr në pah vithet.

Diku tjetër, kombinon një xhaketë gri me të brendshme Björn Borg.

Përsa i përket këngës, muzika u realizua nga K-Master dhe Strike Beats, ndërsa për tekstin u kujdes Lyrical Son, Erno dhe vetë Kida. “Malli” flet për...e lëmë fare, Dafina e tha më mirë.