Shkurtimisht çfarë ndodhi?
Në fillim të nëntorit, makina ku udhëtonte prokurori Artan Ndoja u sulmua me breshëri kallashnikovi te mbikalimi i Shkozetit, ku mbetën të plagosur Ndoja dhe dy persona që e shoqëronin, të identifikuar si Aleksandër Laho dhe Andi Maloku (shofer). Ky i fundit ndërroi jetë në spital si pasojë e plagëve të marra. Ndoja dhe Laho ndodhen jashtë rrezikut për jetën.
Çfarë u zbulua më pas?
Pas atentatit, në pikën kufitare në Shkodër, si tentativë për t’u larguar drejt Malit të Zi, u arrestua 34-vjeçari nga Kruja Redjan Rraja, si një nga të dyshuarit për atentatin. Pas arrestimit të tij, në media u raportua se në pyetje u mor edhe ish-velina e “Xing me Ermalin”, Kejvina Kthella. Thuhet se Kthella ishte në një lidhje me Rrajën, madje lëvizte edhe me një nga makinat në pronësi të tij.
Ndër të tjera, raportohet se Redjan Rraja është i martuar dhe familja e tij jeton në Krujë. Sipas Shqiptarja.com, burime nga grupi hetimor thonë se në telefonin e tij u gjetën biseda që dëshmojnë se mes Kthellës dhe Rrajës ka patur një romancë.
Çfarë thotë Kejvina?
Përmes një postimi në Instagram, ajo shkroi: “Gazetflliqësira[sic], do përgjigjeni shumë shpejt për këto artikuj që keni përdorur në emrin tim. Po abuzoni si kafshët, plehra!”.
Anabel u përpoq të kontaktonte me Kejvinën, por deri tani nuk kemi marrë një përgjigje.
Burimi: Balkanweb.com, Shqiptarja.com & Panorama.com
