KESHILLA PER BLERJET TUAJA
Shqipëria

Videoja e ditës: Më në fund pas 5 vitesh, Alvin mbërrin në Itali dhe takohet me motrat

Shkruar nga Anabel

8 Nëntor 2019

Përmes një postimi në Twitter, Kryqi i Kuq italian e cilësoi momentin e kthimit të Alvinit në shtëpi si një “gëzim të jashtëzakonshëm.” “Alvini është në Itali. Tani, ndodhet në krahët e babait dhe motrave,” shkruhet në videon e publikuar, ku vogëlushi takohet me familjen pas pesë vitesh.

Presidenti i Kryqit të Kuq italian, Franceso Rocca, shkruan se “situata është komplekse, por nëse ekziston vullneti politik, mund të bëhet gjithçka”.

Shpëtimi i 11-vjeçarit erdhi si rezultat i bashkëpunimit të “Gjysmë Hënës Siriane”, Kryqit të Kuq dhe autoriteteve italiane dhe shqiptare.

Në vitin 2014, Alvin Berisha, asokohe vetëm 6 vjeç, u rrëmbye nga nëna e tij Valbona Berisha dhe të dy u larguan nga Italia drejt territoreve të kontrolluara nga ISIS. Në dhjetor të 2014-s, kamerat e sigurisë së aeroportit Orio al Serio në Bergamo kapën Alvinin dhe nënën e tij. Pas hetimeve, u zbulua se Valbona Berisha, përmes internetit, ra kontakt me disa predikues të ekstremizmit islamik. 

Përpara se të ndërronte jetë si pasojë e një shpërthimi, thuhet se Valbona ndryshoi emrin në Yussuf dhe jetonte 40 km në veri të Aleppo-s në Siri.

Historia tronditi opinionin publik fill sapo u transmetua në emisionin “Le Iene”, sidomos pas neglizhencës së ambasadorit shqiptar në Turqi, Genti Gazhelit. Thirrje publike për të ndihmuar Alvinin pati edhe nga personazhet e njohur shqiptarë.

Shtepi ne shitje

MOS I HUMBISNI