E mbani mend kur e gjithë bota nisi të ëndërrojë për Lady Gaga-n dhe Bradley Cooper-in pas performancës së tyre në çmimet Oscar? Gjithë ai tension, pasion, kimi mes tyre s'mund të përkthehej ndryshe nga sytë tanë veçse si dashuri, por jo.
Muaj pas "A Star is Born", në intervistën e fundit me Oprah Winfrey, Lady Gaga riktheu edhe njëherë në kujtesë ndjesitë e asaj nate dhe gjithë të vërteten e saj dhe Bradley-it.
"Ne krijuam një histori dashurie. Për mua, si një performuese dhe si aktore, kjo ishte kryesorja. Doja të mendoja që njerëzit besonin që ne ishim të dashuruar. Donim gjithashtu që njerëzit ta ndjenin atë dashuri natën e Oscar-it. Donim të shkonim përtej lenteve të kamerës, tek cilido që po na ndiqte. Punuam shumë, për ditë të tëra. E planifikuam të gjithën, ishte e orkestruar e tëra si performancë. E vërteta është se kur folëm për të, thamë njëzëri:'Epo, shkoi shumë mirë. Punë e paqme.'"- u shpreh Gaga.
Që do të thotë: Edhe një tjetër herë, besuam magjinë e dashurisë në skenë. Dashuri për të cilën u punua për javë të tëra, sepse në fund të ditës, si Gaga ashtu dhe Cooper janë thjesht aktorë.
Ndoshta duhet ta dëgjonit vetë nga goja e Gaga-s për ta besuar dhe, më në fund e tha.
