Egla Harxhi u kthye në kryefjalën e mediave kur deklaroi se ishte në një lidhje treshe me Alexandre de Basseville dhe një vajzë të quajtur Alesia. Diçka ndodhi dhe mbeti vetëm ajo dhe Ale, të cilët kanë një djalë të quajtur Luxifer. Dje, Egla konfirmoi se është ndarë nga babai i fëmijës së saj dhe s’ka të bëjë më me të.
“S’kam të bëj me Alen në asnjë formë. Tashmë jemi të ndarë dhe jeta ime personale nuk është më publike. Pra e kam mbyllur me jetën publike e po fokusohem kryesisht tek im bir dhe te studioja e arkitekturës me projekte në Shqipëri dhe jashtë saj,” tha ajo për Revistën Story.
Fotot e tyre si çift janë fshirë nga Instagramet përkatëse dhe aludohet se Ale është rikthyer me Alesian, siç lanë të kuptohej fotot e paparacëve të Panoramës.
