Siç mund ta shihni në videon e mëposhtme, moderatorja e emisionit “Fakt+” në televizionin lokal të Fierit, Tv Apollon, gjatë bisedës me avokatët Kujtim Cakrani dhe Altin Goxhaj, në lidhje me dështimin e negociatave me BE-në, shpërtheu në një moment. “Ore çuna, poshoni ja q*fsha robt,” të thotë ajo.
View this post on Instagram
Në një prononcim për Newsbomb.al, Topi sqaroi se nuk iu drejtua kolegëve të saj (pasi mendohej se u revoltua kundër kameramanëve/kolegëve në regji), por shoqëruesve të Cakranit.
“Nuk u kam thënë kolegëve te mi, por dy personave që po shoqëronin z.Cakrani. Ndërhynin gjatë gjithë kohës, duke shkaktuar një stres të padurueshëm. Emisioni është transmetuar në mbrëmje pas montazhit. Është regjistrim dhe këtë jua faktoj kur të dëshironi. Zakonisht emisioni fillon në orën 21:00. Atë ditë, pas montimit, filloi rreth orës 21:40. Këtë frazë montazhieri e ruajti për të më treguar sesa nervoze isha bërë. Unë jam në komunikim të drejtpërdrejtë me teleshikuesit prej gati 2 vitesh, në emisione të drejtpërdrejta. Nuk kam dal asnjëherë nga vetja live,” u shpreh Marsela Topi.
Në vijim, ajo theksoi se “është një përpjekje për t’i prishur imazhin” dhe pse jo, “një sulm politik”. “Nuk ka staf në botë që pas kuintave, nuk është i lirshëm mes kolegëve. Është thjesht dashakeqësi.”
Në përfundim të deklaratës së saj, Topi shtoi se “e priste një sulm politik”.
“Fieri është bastion socialist. Do iu pëlqente të dëgjonin vetëm lëvdata për qeverinë. Unë u jap mundësinë në temat që trajtoj, duke qenë në koherencë të plotë me realitetin, që të shprehen lirshëm. Si gazetare terreni, shoh shumë gjëra që nuk shkojnë dhe nuk mund t'i përcjell me ngjyra në ekran[...]E prisja në fakt një sulm në një moment të caktuar, por jo të një niveli kaq të ulët. Gjithsesi unë nuk ndihem aspak keq. Kushdo që e ka bërë, dhe kundrejt cilido çmimi, është shitur shumë lirë,” përfundoi ajo.
