KESHILLA PER BLERJET TUAJA
TV Mania

Mira Kazhani i përgjigjet po njësoj pyetjes së ripërsëritur: ‘Kur do të martohesh?’

Shkruar nga Anabel

22 Tetor 2019

Një ligj i pashkruar thotë se pas të 30-ave, çdo grua, por edhe burrë shqiptar, i famshëm ose jo, i duhet të përballet me shqetësimin e familjes, fisit, lagjes dhe ndjekësve të panjohur përsa i përket statusit prej beqari/eje. E ftuar në “Ftesë në pesë”, Mira Kazhani u pyet sërish për martesën.

“M’u bë havale kjo puna e burrit,” tha Kazhani duke qenë se nuk është hera e parë që pyetet për një çështje të tillë. “Është punë fati, jo inati,” tha sërish gazetarja.

Ndër të tjera ajo shtoi: “Mbase edhe vetë e kam fajin. Një lloj pasioni e kam patur për gazetarinë, sepse sa më shumë distancohesh, zvogëlohen mundësitë që të njohësh njerëz të rinj. Ne që jetojmë në botën e medias, vetvetiu krijojmë një mikro-botë; rrimë shumë në rrethin tonë dhe nuk ke mundësi kontaktesh.”

“Unë nuk e kam problem, që të kuptohemi,” përfundoi ajo.

Për martesën, Kazhani është pyetur edhe te “Rudina” në prill të 2018-s, po kështu edhe në “Një kat më lart” me Ermal Peçin në IN Tv, në po të njëjtën kohë. Jo shumë kohë më parë, ajo u sulmua edhe nga avokatja e shtetit asokohe, Alma Hicka, e cila shpërfilli mendimet e Kazhanit për feminizmin sepse “s’ka fëmijë dhe s’sjell jetë”.

“Para shumë vitesh, që të tregohem e sinqertë, e mendoja këtë historinë e dasmës dhe burrit, një djali dhe një vajze, rregullat klishe,” tha Mira Kazhani në “Një kat më lart”. “Kalon koha dhe kupton që kjo është punë fati dhe jo punë inati. Nuk e bën dot me imponim. Nga njerëzit që kam takuar nuk kam ndonjë peng. Tek-tuk dikush mund të them që mund të ishte shpirti im binjak, por rrethanat nuk na lejojnë.”

Shtojcë: Në rast se përballeni me të njëjtën pyetje si Kazhani, Redon Makashi apo Greta Koçi, përgjigjuni kështu:

“Ti ke shumë shokë, se kur do martohesh një Zot e di,” i komentoi dikush Mira Kazhanit dy vite më parë. “E ke urgjente?” u përgjigj ajo.
Shtepi ne shitje

MOS I HUMBISNI