Në një video live në Instagram, ku dukej Miley dhe i dashuri i saj i ri, Cody (ai që e surprizon me lule dhe kitarë kur është e sëmurë), i cili sapo kish mbërritur në Sydney, Miley u shpreh ndër të tjera se Cody Simpson është i vetmi njeri i mirë, me penis, që ka takuar në jetë.
“Ka edhe njerëz të mirë me penis dhe unë kam takuar vetëm një dhe ai është në këtë video live,” mësohet të ketë thënë Miley sipas Daily Mail.
“S’keni pse të jeni gay, ka edhe njerëz të mirë me penis. Duhet thjesht ta gjeni,” shtoi ajo.
“Mendoja gjithmonë që duhet të isha lesbike, sepse mendoja që të gjithë djemtë ishin të këqij, por nuk është e vërtetë. Kam takuar vetëm një të tillë në jetën time,” përfundoi Cyrus.
Pra, me rregull treshi, Liam nuk është një njeri i mirë.
Deklarata e Miley-t duket e ëmbël për Cody-n, por jo dhe aq e këndshme për Liam-in. Në fakt, është një deklaratë e çuditshme po të kemi parasysh intervistën e Miley-t për Vanity Fair në shkurt të 2019-s, ku foli për arsyen pse u martua me Hemsworth.
“Arsyeja pse martohen njerëzit mund të jetë ndonjëherë thjesht sepse ndjekin traditën, por mendoj se arsyeja pse ne u martuam nuk ka lidhje me këtë. Një ndër gjërat që jam më shumë krenare është se jam një person i çuditshëm (queer). Ajo që mendoj unë është kështu: Njerëzit bien në dashuri me njerëzit, jo me gjininë, jo me dukjen. Lidhja ime me dashurinë është në një nivel shpirtëror. Nuk ka të bëjë me seksualitetin. Marrëdhënia për mua nuk ka lidhje me gjininë apo seksin. Seksi dhe gjinia janë dy aspekte shumë të vogla, thuajse të parëndësishme.”
Shënim: Queer (e çuditshme) – Q tek LGBTQ+ (lesbike, gay, biseksual/e, transgjinor/e, queer) i referohet individëve që nuk janë të sigurt për orientimin e tyre seksual dhe/ose identitetin gjinor.
Rreth 5 vite më parë, në një intervistë për revistën Elle, Miley Cyrus rrëfeu për herë të parë se ishte panseksuale – preferencat e saj nuk njohin kufij. “Kjo do të thotë me të gjithë".
“Nuk ka të bëjë nëse je djalë, vajzë apo dikush në tranzicion. Nuk i shoh njerëzit si ajo që kanë qenë, por si ajo që janë tani. Mendoj për atë që kam qenë dhe për atë që jam tani: është një tranzicion në vetvete. Kushdo është në tranzicion të vazhdueshëm.”
Artikull i rekomanduar: Miley Cyrus u përgjigjet kritikave të njerëzve: "Ju lutem, mos ma bëni më të vështirë"
