1. Një herë i thashë supervizorit që nuk e mbuloja dot turnin tim sepse më kishte vdekur një njeri i afërt dhe funerali mbahej ditën që më takonte të punoja. Më tha t’i çoja një certifikatë vdekjeje.

2. Mbarova punë për atë ditë dhe pyeta menaxherin nëse i duhej diçka tjetër nga unë para se të largohesha. M’u përgjigj me: “Po, shko në banjë dhe lëpi tualetin.”

3. Gjithë mirësjellje i kërkova shefit të më ndërronte turnin ngaqë kisha impenjime fetare dhe ai më tha të zgjidhja mes Zotit dhe punës.’

4. Shefi më tha se “bëra një gabim të madh” sepse linda ditën që më takonte të lindja.

5. M’u desh të lija punën si sous chef sepse babi ishte prag vdekjes dhe për të kujdeseshim vetëm unë dhe ime motër. Kur i dhashë shefit dorëheqjen më bërtiti, “Të gjithë vdesin – nuk është se e shpëton dot!” Pastaj u shpreh i zhgënjyer që s’punëson dot robotë.

6. Shefja më tha se isha goxha e bukur, por se duhet të bëja gjoksin që të isha perfekte. Pastaj vijoi të më shpjegonte çfarë madhësie dhe materiali do të ishte ideal për mua.

7. U ktheva në punë pas një periudhe të gjatë pushim ngaqë më vdiq vajza dhe menaxheri më tha, “Mos u mërzit. Je akoma në kohë të bësh një tjetër.”

8. Unë mbaj hixhab dhe shefi më tha se do të dukesha shumë herë më mirë pa atë peshqir në kokë.

9. Po haja një banane në punë dhe shefi ndaloi të më thoshte se gratë nuk duhet të hanë kurrë banane në punë. Nëse insistojmë të hamë banane, duhet ta presim në copa të vogla dhe jo ta kafshojmë siç hahet zakonisht.

10. Një ditë, menaxheri i sallës ndaloi te tavolina ime, më pa gjoksin dhe më tha, “Tani e kuptoj pse të morën në punë.”

Burimi: BuzzFeed