Momentalisht, Miley ndodhet e shtruar në spital për shkak të bajameve të infektuara. Ajo shpreson që të shërohet sa më shpejt për të qenë e pranishme në Gorillapalooza, një event muzikor i organizuar nga Ellen DeGeneres në ndihmë të fondacionit të saj në mbrojtje të kafshëve të egra.

Gjejeni kush ia behu papritur për ta lumturuar sadopak Miley-n! I dashuri i saj i ri, Cody Simpson. Me një kitarë dhe një tufë me trëndafila në duar!

Shtojcë: Cody Simpson është një këngëtar, tekstshkrues dhe aktor australian. Ai është përfolur ndër të tjera për lidhjet me Bella Thorne, Kylie Jenner dhe Gigi Hadid.

Cody, për pak çaste, u vendos në rolin e doktorit. Ai e surprizoi duke kënduar këngën e shkruar posaçërisht për të, ndërsa Miley u përpoq ta bindte që ta publikonte sa më parë.

Pas puthjes së pak ditëve më parë, ngjarje për të cilën Cyrus reagoi gjerë e gjatë në Instagram, duket se raporti mes Miley-t dhe Cody-t po përparon dita-ditës.