KESHILLA PER BLERJET TUAJA
Kinema & TV

Lajm i mirë për fansat e ‘Breaking Bad’: Rikthehet Jesse Pinkman

Shkruar nga Anabel

9 Tetor 2019

Kanë kaluar gjashtë vite që nga koha kur fansat i dhanë lamtumirën Jesse Pinkman, por një lajm i mirë pasi “El Camino: A ‘Breaking Bad’ Movie” do të dalë së shpejti në kinema dhe Netflix.

Filmi pati të hënën premierën në teatrin Regency Village në Los Angeles.

“Ishte si ribashkim i familjes. Ishte një ndjesi e çuditshme, por e njohur,” u shpreh Aaron Paul për Variety.

Krijuesi dhe producenti i “Breaking Bad” nuk kishte parashikuar një formë vazhdimi për serialin, por gjithnjë e pyeste veten se ku përfundoi Jesse. “Unë doja që njerëzit të besonin se ai u largua, por pastaj mendova, ‘Epo kjo varet nga shikuesi’. Ndaj e pyeta veten për mënyrën si u largua ai.”

Herën e fundit, Jesse po shpëtonte nga laboratori i drogës, ku ndodhej i lidhur me zinxhirë. “El Camino” trajton gjithë ç’ndodhi më pas me Pinkman.

I vlerësuar si një nga serialet më të mirë të të gjitha kohërave, subjekti i “Breaking Bad” ndërtohet mbi historinë e një mësuesi kimie, Walter White (Bryan Cranston) që diagnostikohet me kancer në mushkëri dhe vendos të prodhojë metamfetaminë për të siguruar të adhmen e familjes. Ai përfshihet në botën e krimit së bashku me ish-nxënësin e tij, Jesse Pinkman (Aaron Paul).

“El Camino: A ‘Breaking Bad’ Movie” do të shfaqet në Netflix më 11 tetor.

MOS I HUMBISNI