1. “Kur isha i vogël, po haja diçka në kuzhinë me mamin dhe pashë në cep një figurë që po rrinte në këmbë. I thashë mamit menjëherë dhe ajo më tregoi se gjithë motrat dhe vëllezërit e mi kishin parë të njëjtën figurë, në të njëjtën moshë si unë.”
2. “Ditën e dasmës së gjyshërve të mi, pati një sherr që e ndau gjyshi. Një nga burrat ishte aty rastësisht, s’ishte ftuar në dasmë. Gjyshi i kërkoi të largohej dhe ai iku pa bërë zhurmë, thjesht mori ca lule nga makina e të sapomartuarve. Pak ditë më vonë, morën vesh se ai ishte në kërkim nga policia sepse kishte vrarë, babain, njerkën dhe pesë gjysmë motra e vëllezër. Ai ishte njeri i fundit që u dënua me vdekje në Alberta, Kanada.
3. “Stër-stër-stër gjyshja ime mori vesh se të bijën e keqtrajtonte bashkëshorti kështu që mori dy sëpata, njërën ia dha të bijës dhe e masakruan. Po flasim për copëtim të trupit si të ishte pulë. U hetuan dhe u varën për krimin, por mbeten anëtaret më interesante të familjes ende sot.
4. “Nga ana e mamit, të gjitha gratë kanë pasur përvoja paranormale. Gjyshja për shembull thoshte gjithmonë se ndjente një ‘prani.’ I ka shpëtuar vdekjes për një qime me dhjetëra hreë. Ka pësuar aksidente me makinë, është dhunuar nga partnerët, ka kaluar aneurizma dhe tre lloje të ndryshme kanceri. Thotë se s’është e sigurt nëse ‘prania’ e mbron apo e mallkon.”
5. “Mami im e kaloi fëmijërinë në një shtëpi të vogël. Çdo natë për vite me radhë, një makinë parkonte përballë shtëpisë dhe disa burra hynin në shtëpi, burra që i shihte vetëm mami im. Shihnin vërdallë, luanin disa nota në piano, hapnin kanata dhe sirtarë dhe largoheshin. Kur mami bindi të atin se i shihte vërtet, ai ndezi një qiri dhe eci nëpër shtëpi duke u lutur. Burrat s’u kthyen më pas asaj nate.
Njëzetë vite më vonë, prindërit e mi, unë dhe vëllai im u shpërngulëm në shtëpinë ngjitur me atë ku u rrit mami. Kur vëllai im ishte dy vjeç, zgjohej çdo natë nga gjumi duke ulëritur sepse shihte një burrë në dritare. Dritarja ishte shumë lart, por dhoma e tij shihte drejtpërdrejt në dhomën e fëmijërisë së mamit në shtëpinë përballë.
Burimi: BuzzFeed
