Pak ditë më parë, zona e Komunës së Parisit u trondit nga lajmi se portieri i Partizanit, Aldo Teqja ka rënë nga kati i shtatë i pallatit të tij.
Fillimisht u tha se 24-vjeçari është hedhur me vetëdije të plotë, por këto zëra janë përgënjeshtruar nga familjarët e futbollistit.
Gjatë intervistës për Top Channel, babai i sportistit tregoi se ngjarja ishte e gjitha aksidentale. Ishte nëna e tij ajo që i kishte kërkuar të rregullojë tendën në ballkon dhe fatkeqësisht diçka shkoi keq, duke shkaktuar rënien e papritur.
Ndonëse gjendja e tij shëndetësore aktualisht është e përmirësuar, i ati i portierit u kujdes të mohojë gjithçka çfarë është thënë deri më tani.
“Dua të përgënjeshtroj të gjitha mediat dhe portalet, djali im ka pësuar një aksident. Gjithashtu dua të theksoj se e fejuara e djalit së bashku me prindërit e saj kanë qenë këtu me ne që nga dita e parë dhe deri më tani. Aldo do të kthehet shumë shpejt si kampion”.- u shpreh ai, nisur nga zërat që thanë se shkak i hedhjes së tij u bë një konflikt me të fejuarën.
Vetë Teqja është shprehur se më e keqja kaloi dhe se shumë shpejt do t'i kthehet fushës së gjelbër.
