Ditën e djeshme, portieri i Partizanit, Aldo Teqja është hedhur nga kati i 7-të i pallatit ku banonte. Fillimisht, u aludua se hedhja ishte aksidentale, por më tej autoritetet njoftuan se futbollisti është hedhur qëllimisht.

Gjendja shëndetësore e portierët aktualisht është e stabilizuar ndërkohë që sipas Top Channel-it thuhet se arsyeja që e çoi në një veprim të tillë kenë qenë konfliktet me të fejuarën e tij. Thuhet se në momentin e hedhjes, ai ka patur në duar disa bizhuteri që i përkisnin partneres.

Burime të tjera, thonë se e dashura e 24-vjeçarit ka qenë poshtë banesës dhe ka parë momentin e hedhjes së tij nga kati i 6-të.

Fatmirësisht, tentativa për t'u vetëvrarë nuk rezultoi fatale dhe lojtari shpëtoi falë disa tendave të pallatit dhe pemëve, të cilat kanë shërbyer si pengesa.

Burimi: Top Channel & Balkan Web