KESHILLA PER BLERJET TUAJA
Horoskopi Mujor

Horoskopi i Susan Miller për muajin tetor 2019: Ujori dhe Peshqit

Shkruar nga Anabel

2 Tetor 2019

Deri më tani, jeni menduar mirë për menaxhimin e parave dhe nëse dëshironi të udhëtoni diku larg, është e mirëkuptueshme. Një largim nga realiteti do t’ju bënte mirë dhe do të riktheheshit në shtëpi të rifreskuar dhe gati për t’u përballur me botën.

Muaji nis me katër trupa qiellorë, Afërdita, Mërkuri, Dielli dhe hëna e re, në shenjën e Peshores, që është tejet e përputhshme me tuajën. Nëse ëndërroni të blini një biletë avioni, treni apo të udhëtoni me makinë drejt fshatit, do të keni mundësinë ta bëni.

Nëse udhëtoni në fillim të muajit, nuk do ta ngopni dëshirën tuaj për të parë vende të reja. Përgjatë hënës së plotë të 12-13 tetorit, do të jeni sërish rrugëve, por këtë herë më pranë shtëpisë. Ndoshta vizitoni motrën a vëllain, kushërinjtë a vjehërrit. Kjo është një hënë e plotë e lumtur dhe do t’ia kaloni mirë.

Ekziston mundësia që të takoni një nga prindërit tuaj në këtë dritare kohore pasi keni qenë të zënë dhe ua ndjeni nevojën. Nëse s’do të mund të udhëtoni, fajin do ta ketë një shpërngulje, riarredim a një detyrë në punë.

Do t’ju shfaqet një mundësi e mrekullueshme në karrierë përgjatë hënës së re në Akrep më 27 tetor, që do t’ju përmirësojë profilin. Kjo është periudha më e mirë e 2019-s për të kërkuar një punë që ka më shumë përgjegjësi dhe influencë. Do t’ju lejojë të shfaqni kreativitetin dhe mënyrën tuaj të veçantë të të punuarit. Do t’u bini në sy personave me rëndësi që do të thonë fjalë të mira për ju prapa krahëve tuaj teksa vendosin t’ju propozojnë diçka.

Pozicioni i ri do të shfrytëzojë talentin tuaj dhe do t’ju kompensojë bujarisht, por kjo është vetëm njëra anë e ekuacionit. Urani, sunduesi juaj, do të kundërshtojë Diellin në tranzicion dhe hënën e re. Kur të fitoni vendin e punës në fjalë, do të hezitoni prej vendit ku jetoni pasi me shumë mundësi, do t’ju nevojitet të shpërnguleni. Do të viheni para zgjedhjes. A ia vlen të shpërnguleni larg njerëzve që doni dhe larg prindërve që me kalimin e viteve kanë nevojë për ju?

Ndoshta, partneri juaj do t’ju këshillojë të mos e pranoni vendin e punës pasi shpërngulja do t’ju largojë nga njëri-tjetri dhe do ta bëjë të pamundur marrëdhënien tuaj. Nuk do të jetë e lehtë. Ekzaminoni prioritetet. Çfarë ka rëndësi për ju, i dashur Ujor?

Mërkuri do të kalojë në prapavijë nga 31 tetori deri më 20 nëntor në shtëpinë tuaj të dhjetë të karrierës. Bëni çmos që t’i thoni po çdo oferte që merrni në fillim të tetorit. Nëse pranoni një vend pune teksa Mërkuri është në prapavijë, me shumë mundësi përshrkimi i pozicionit do të ndryshojë pasi të nisni dhe ky ndryshim s’do t’ju lumturojë aspak. Nga ana tjetër, nëse keni kohë që nuk punoni, pranojeni. Është më e thjeshtë të gjesh një punë tjetër kur e ke një.

Asi nën mëngë në karrierë është Plutoni, sunduesi i shtëpisë suaj të dhjetë të ndereve, çmimeve dhe arritejeve dhe shtëpisë ku do të bjreë hëna e re e 27 tetorit. Plutoni është në prapavijë që prej 24 prillit dhe do të kalojë në vijë të drejtë më 2-3 tetor. Do t’ju ndihmojë shumë në kërkimin tuaj për punë.

Peshqit konsiderohen shenjë artistike, e ndjeshme dhe bota juaj konsiston në ide plot imagjinatë, ëndrra dhe shprehi artistike. Prandaj, Peshqit janë mbajtur si krijesat më artistike të zodiakut. Peshqit dhe Virgjëresha konsiderohen si shenjat që kanë më shumë gjasa të bëhen të pasur sepse fiksheni te cilësia e asaj që krijoni dhe jo te menaxhimi i parave, që ua lini në dorë ekspertëve. Sidoqoftë, dini të jeni të pranishëm kur diskutohen paratë, pasi vetëm ju e dini çfarë doni.

Gjatë këtij muaji duhet ta merrni situatën nën kontroll dhe të impenjoheni më shumë me çështjet financiare dhe menaxhimin e fondve sepse një sërë trupash qiellorë janë futur në shtëpinë tuaj të parave të të tjerëve. Në fillim të muajit, do të negocioni një marrëveshje të bujshme për një projekt tuajin. Ose do të merrni interesa, komisione a pagesa të drejtash. Këtë muaj, flisni me bankën për një hipotekë a kredi. Është momenti perfekt.

Marsi do të jetë në Peshore nga 3 tetori deri më 18 nëntor dhe thjesht prezenca e Marsit në shtëpinë tuaj të tetë nënkupton se do të shpenzoni goxha. Mund të jeni duke investuar në sipërmarrjen tuaj tani që të fitoni para më vonë. Ose, mund të jeni duke investuar te vetja, duke shkuar në shkollë. Jeni në rrugën e duhur.

Hëna e plotë e 13 tetorit, që bie në Dash, do të sjellë finalizimin e negociatave dhe arritjen e një marrëveshjeje. Do të merrni një shumë të konsiderueshme parash për një punë të përfunduar, pasi Jupiteri do të ndriçojë plotësisht hënën e plotë. Dikur, ju është dashur të rrëmoni për lekë, por ato ditë kanë kaluar. Do të korrni gjithë ç’keni mbjellë dhe do ta meritoni plotësisht. Kjo hënë e plotë do të gjenerojë respekt dhe shpërblime financiare.

Jepuni fund bisedave me natyrë financiare brenda katër ditësh nga hëna e plotë, pasi Mërkuri do të kalojë në prapavijë nga 31 tetori deri më 20 nëntor. Nëse do të blini a shisni një pronë, do të nisni një biznes a do të lançoni një produkt, bëjeni nga 1-22 tetori.

Mund t’ju duhet të udhëtoni në fund të tetorit dhe bëni mirë të shmangni hënën e re në Akrep, më 27 tetor dhe dy javët që e pasojnë. Kjo hënë e re do të sfidohet nga Urani, planeti i paparashikueshmërisë. Ndoshta një udhëtim përtej oqeanit do të anullohet, ose një projekt që ka të bëjë me shkrimin a të folurën do të ketë nevojë për më shumë redaktim nga ç’prisnit.

Kini parasysh 21 tetorin si ditë jashtëzakonisht romantike, pasi Neptuni planeti i dashurisë së pakushtëzuar, do të ndriçojë Afërditën në shenjën e Akrepit. Pa dyshim do të ndjeni energjinë e tyre, prandaj planifikoni diçka më 19-20 tetor.  

MOS I HUMBISNI