Në Shqipëri, sëmundet më të përhapura janë depresioni dhe obeziteti, por jo të vetmet. Sipas një kërkimi nëpër farmaci, gjatë një muaji, ilaçet më të kërkuara për një varietet gjendjesh shëndetsore dhe sëmundjesh, janë si më poshtë.

Për probleme me tensionin: Enap 20 mg, i cili përdoret për të ulur tensionin e lartë, pa shkaktuar rritje domethënëse në ritmin e rrahjeve të zemrës

Për trajtimin e diabetit: Siofor 850 mg, me përbërës kryesor metformin, i cili asiston në mbajtjen e glukozës sa më pranë nivelit normal. Përdoret nga ata që vuajnë Diabeti i tipit 2, kur aktiviteti fizik dhe dieta nuk shfaqin rezultate. Kryesisht, nga pacientë mbipeshë.

Insuman Rapid Solostar, që është insulinë e prodhuar në laborator, identike me atë të trupit. Injektimi jep rezultat shpejt dhe zgjat pak. Përdoret për të ulur nivelin e sheqerit në gjak te pacientët që s’u prodhon trupi mjaftueshëm insulinë.

Për problemet me stomaku: Ulcezol 20 mg përmban 20 mg omeprazol, i cili përdoret në një sërë problemesh me aparatin tretës si ulçera duodenale, ulçera gastrike, ezofagit i shkaktuar nga refluksi, trajtim dhe profilaksi i ulçerave gastrike e duodenale etj.

Ranital me ranitidinë në përmbajtje, frenon sekretimin e acidit gastrik nga qelizat e membranës mukoze të stomakut. Përdoret për mjekimin e ulçerëls duodenale, mjekimin e ulçerës peptidike nëse s’ka origjinë kancerogjene dhe për parandalimin e këtyre sëmundjeve.

Për problemet me yndyrnat: Atoris 20 mg, që frenon prodhimin e kolesterolit në mëlçi dhe rregullon sasinë e lipideve në gjak.

Antibiotik: Ciprinol 500 mg, që përmban Ciprofloksacinë. Ky antibiotik përdoret për infeksionet urinare, të traktit respirator, të organeve riprodhuese, abdominale, të kockave dhe kyçeve, lëkurës dhe indeve të buta dhe për infeksione të rënda sistemike.

Oftalmikët: Tobradex, që përdoret për të trajtuar ose parashikuar infeksionet e syrit. Përmban dy drogëra, tobramycin që është një lloj antibiotiku dhe dexamethasone që klasifikohet si kortikosteroid. Mjekimi pakëson enjtjen e shkaktuar nga infeksionet bakteriale në sy.

Antidiarreikët: Loperamid, vepron drejtpërsëdrejti në paretet e zorrëve dhe ngadalëson lëvizshmërinë e tyre. Mjekimi frenon kështu veprimtarinë peristaltike që sjell uljen e humbjes së lëngjeve dhe elektroliteve nga zorrët.

Për problemet me tiroiden: Letrox 100 mg, përdoret për mungesën e hormoneve të tiroides në gjithë format e hipotiroidizmit.

Antidepresantë: Xanax 0.5 mg, nga grupi i benzodiazepinave, ndikon kimikatet që mund të jenë të pabalancuara te njerëzit që vuajnë nga ankthi, paniku apo ankthi i shkaktuar nga depresioni.