Më në fund erdhi dita! Me dita duam të themi dita e dasmës së Justin dhe Hailey Bieber që e prisnim prej kohësh. Hailey organizoi festën e beqarisë mbrëmë dhe të pranishme ishin shoqet e saj, përfshirë Kendall Jenner. Vajzat brodhën nëpër West Hollywood, përfshirë Delilah, club-in më të famshëm të momentit.

Hailey veshi një fustan të shkurtër të bardhë – sigurisht – dhe një vello për t’iu përshtatur rastit.

TMZ raporton se Hailey dhe Justin do të martohen fundjavën që vjen në South Carolina. Dyshja u fotografua atje së fundi, në gusht.

Teknikisht, ata janë të martuar që prej shtatorit të 2018-s. Dasma do të mbledhë familjarë dhe miq të çiftit dhe përflitet se do të mbahet në një kishë. U shty disa herë sepse Justin pati probleme me shëndetin mendor dhe mirëqenien dhe mesa duket, tani ndihet mjaftueshëm mirë.