KESHILLA PER BLERJET TUAJA
Bota

Në të shumtën e rasteve, sizmologut grek i kanë dështuar 'parashikimet' për tërmetet shkatërruese!

Shkruar nga Anabel

23 Shtator 2019

Këtë fundjavë, të gjithë shqiptarët kanë qenë sy e vesh në pritje të një parashikimi dhe kush më mirë se sizmologët, do të mund të na tregonin se ç'pritet të ndodhë? 

Akis Tselentis, sizmologu i famshëm grek, emrin e të cilit e kemi dëgjuar shumë së fundmi është profesor i Sizmologjisë në universitetin e Athinës, drejtor i Institutit të Gjeodinamikës në Observatorin Kombëtar të Athinës, drejtor i Qendrës Kombëtare të Cunamit, por në të shumtën e rasteve edhe "parashikues" i fenomeneve natyrore apokaliptike.

Gjithsesi, nga eksperienca e grekëve ndër vite, Akis, për opinion publik, është gjithashtu njeriu të cilit "parashikimet" nuk i kanë dalë në shumë raste. Kjo, pikë së pari sepse nuk mund të parashikohet KURRE një tërmet.

Sidoqoftë, jo pak herë, parashikimet e tij  terrorrizuan popullin, ndonëse dolën bllof!

1. Në shtator të 1999, Athina u lëkund nga një tërmet 5.9 Rihter, si pasojë e të cilit mbetën 143 viktima dhe 1600 të plagosur. Për të mos folur për dëmet materiale, që ishin të pallogaritshme. Asokohe, pedagog, sizmologu parashikoi një tjetër tërmet, parashikim që tmerroi njerëzit dhe i bëri të linin shtëpitë për ta kaluar natën jashtë. Kjo gjendje vazhdoi derisa specialistë të tjerë,ndërhynë dhe bënë thirrje për t'a mbyllur me aq panikun e krijuar pa vend.

2. Në vitin 2008, në Methoni, Greqi, njerëzve iu bë thirrje për një tërmet të mundshëm, por ky parashikim u mohua nga Tselentis, para ekranit. Në fakt, në fund të muajit  shkurt, vendin u godit nga një tërmet 6.7 ballë, fatmirësisht pa viktima.

3.Në vitin 2008, një tjetër paralajmërim për tërmet të madh në Achaia detyron kryetarin e Bashkisë së zonës të ngrejë padi kundër Tselentis për të qetësuar banorët e zonës. Tërmeti i parashikuar nuk ndodhi kurrë.

4. Në 2 maj të 2007, tërmeti 5.7 rihter në Oklahoma të SHBA, shkakton ankth tek Tselentis, i cili tha para kamerave se shpimet për hidrokarbure do të kenë efekt domino dhe se së shpejti do të kishte tërmete apokaliptike në Greqi.

5. Në tetor të 2016-ës, pas tërmetit në Itali, Akis i kërkoi grekëve të vendosen të gjithë në gadishmëri me argumentin se "Greqia ka kohë pa tërmet të fuqishëm". Deklarata të tilla ngjallën panik tek qytetarët që prisnin nga momenti një moment, "parashikimin" e tij.

6. Sizmiologu i famshëm nuk mundi ta parashikonte dot tërmetin e qershorit të 2017-ës, në ishujt Lesbos dhe Chios. Tërmeti ishte i magnitudës 6.1, shkalla Rihter, por sipas deklaratave të tij asokohe, pjesa më e keqe s'kishte ardhur akoma. Fatmirësisht, nuk ndodhi asgjë. Situata u normalizua.

Ndonëse në Greqi Tselentis, vlerësohet për arritjet dhe sistemin novator të krijuar për parashikimin e tërmeteve, figura e tij paralelisht konsiderohet si “fyerje e komunitetit akademik të Greqisë" sepse tendenca për të "parashikuar" katastrofa në ekran (që fatmirësisht në të shumtën e rasteve nuk kanë ndodhur) është bërë më shumë se e përsëritur.

Burimi: Balkan Web

MOS I HUMBISNI