Beyonce po sigurohet të na mbajë të gjithëve shumë të zënë këtë fundjavë. Diva e muzikës vazhdon të publikojë foto të rralla familjarë, të shkrepura që vitin e kaluar.
Fillimisht, zbuloi binjakët Rumi dhe Sir, që bota kishte shumë kohë që s’i shihte, e ndërsa së fundmi, Bey publikon foto nga ditëlindja e 7-të e vajzës së madhe, Blue Ivy.
Festa e ditëlindjes u ndërtua e gjithë mbi atmosferën “rose-gold”, sepse vajza e Beyonce-s s’mund të kishte një party të thjeshtë!
7-vjeçarja hyn si divë në ambientin rozë të mbushur plot me tollumbace. Edhe Beyonce iu përshtat dëshirës së vajzës dhe u vesh e gjitha në rozë!
Në festë s’mund të mungonin as bebushat, Rumi dhe Sir që siç e shihni pozojnë të qeshur pranë këngëtares.
