Vajza që shihni në foto, quhet Sihana Shalaj. Ndonëse për shumë prej jush mund të jetë ende emër i panjohur, Sihana është modele dhe na lini t’ju tregojmë pak për suksesin e saj të fundit.

Ka sfiluar për Prada, në koleksionin Pranverë/Verë 2020!

Tiparet e veçanta, qëndrimi, linjat trupore dhe stili në tërësi, duket se ka tërhequr vëmendjen e profesionistëve të industrisë së modës së lartë!

Nisur nga llogaria e saj e Instagram-it, çfarë bie në sy është se modelja nga Kosova duket krejt ndryshe nga të tjerat.

Sytë e mëdhenj dhe tiparet unike të bëjnë të mendosh se fotot e saj janë shkëputur nga jeta e personazhit kryesor të një filmi francez.

Ndonëse është ende në vitet e para të karrierës, sfilimi për Prada, tregon se ka arritur në të njëjtin nivel profesionalizmi me Emina Cunmulaj, një tjetër shqiptare që ja doli të shkëlqejë në industrinë e modës ndërkombëtare!