Një rast skandaloz u denoncua dje në “Stop” në Tv Klan. Në zonën e kthesës së Kamzës, një grua prostituon lirshëm në prani të dy djemve të saj të mitur, ku njëri prej tyre luan rolin e tutorit për të.
Përgjatë një viti banorët janë ankuar disa herë në polici, madje u ankuan edhe gjatë realizimit të kronikës së “Stop,” por siç kishte ndodhur dhe herë të tjera, oficerët thjesht flasin me gruan dhe largohen pa ndërmarrë asnjë masë.
Një person i infilturuar nga emisioni, i afrohet gruas për të zbuluar më shumë. Djemtë e saj janë 12 dhe 6 vjeç. Njëri prej tyre i kërkon cigare të infiltruarit, të cilën ia jep policëve në patrullën e vendosur pak metra larg vendit ku gruaja prostituon çdo natë.
Psikologia Denada Toçe tha se ky rast kërkon trajtim afatgjatë dhe rehabilitues të fëmiëjve. “Ata kanë një koncept tjetër për jetën, që mund të fitojnë para përmes abuzimit të nënës. Vetëm akti i abuzimit që kanë parë me sytë e tyre, është traumatik. E perceptojnë si fenomen ‘normal,’ por me kalimin e kohës do t’u kthehet në traumë,” thotë ajo. Toçe rekomandon rehabilitimin e nënës dhe ndërhyrjen e shtetit në gjendjen e saj socio-ekonomike.
Sipas Kodit Penal të Republikës së Shqipërisë, prostitucioni është krim dhe dënohet me gjobë ose me burgim deri në tre vjet.
