Kylie Jenner dhe Travis Scott do të hijeshojnë kopertinën e vjeshtës së Playboy. Prindërit e Stormi-t një vjeçare janë pjesë e botimit të veçantë me fokus te kënaqësia, i cili publikohet të martën që vjen.

Kylie publikoi një foto nga sesioni i tyre i përbashkët, realizuar nga bashkëpuntorja e saj jetëgjatë, Sasha Samsonova. Në foto, 22-vjeçarja mban veshur vetëm një kapele, ndërsa Travis, xhinse dhe varëse. “Kur Houston takon L.A.,” shkruan ajo.

Sipas Playboy, Travis moderon një bisedë me Kylie-n për botimin e radhës. Në një citim të shkëputur nga intervista e tyre thuhet, “Je shoku im më i mirë. Mes gjithë uljeve dhe ngritjeve që ka çdo marrëdhënie, ne evoluojmë bashkë dhe bëhemi më të fortë.”

Në komentet e shumta në Instagram, ku gjysma ngelën gojëhapur dhe gjysma e kritikuan, na u duk me vend t’ju shërbenim këtë.

Kylie! S’e diskutonim dot bashkë së pari këtë?