Ish-ylli i Nickelodeon, Jennette McCurdy, ka ndarë një email shqetësues që ka marrë nga nëna e saj e ndjerë.
Aktorja e iCarly, tani 30 vjeç, foli për rininë e saj gjatë një interviste në "Red Table Talk" të Jada Pinkett Smith, pas publikimit të librit të fundit, “I’m Glad My Mom Died”.
Në libër, McCurdy përshkruan abuzimin e supozuar që ka përjetuar nga nëna e saj, Debbie McCurdy, si në shtëpi ashtu edhe në xhirime para vdekjes së saj në 2013, pasi ajo ishte diagnostikuar me kancer.
Një klip i publikuar nga intervista tregon McCurdy duke lexuar një pjesë nga libri, në të cilin ajo kishte ndarë një email të mamasë, direkt pasi kjo e fundit kishte parë një foto të së bijës në TMZ.
“Jam shumë e zhgënjyer nga ty”, i shkruante mamaja. “Ti ishe ëngjëlli im i vogël dhe i përsosur, por tani nuk je asgjë më shumë se një z*skë e vogël, e gjitha e konsumuar. Të pashë duke fërkuar barkun e tij të neveritshëm me qime. E dija që po gënjeje për Colton."
McCurdy shpjegoi se i kishte thënë nënës së saj se ishte me një mik të quajtur Colton në atë kohë, por pasi pa foton, Debbie i tha të bijës të shtonte “mashtruese e keqe”, në “listën e gjërave që ajo ishte”.
“Tani dukesh edhe më e dobët. Të mendoj ty me dingdong-un e tij brenda teje dhe ndjej neveritje. Të rrita më mirë se kaq. Çfarë ndodhi me vajzën time të vogël e të mirë? Ku shkoi ajo dhe kush është ky përbindësh që e ka zëvëndësuar? Je një përbindësh i shëmtuar tani.”
Mesazhi vazhdonte me Debbie-n që i thoshte vajzës së saj se “se tashmë u kishte thënë vëllezërve” dhe se të gjithë do e mohonin.
Email-i mbyllet me:
“Me dashuri, mami”.... apo duhet të them Deb’, pasi tani nuk jam më nëna jote?
P.s: Dërgo para për një frigorifer të ri, pasi i yni u prish.
McCurdy qeshi me shënimin PS, ndërsa Willow Smith përsëriti rreshtin e fundit me mosbesim.
Pavarësisht pretendimeve të mamasë së saj në email, McCurdy ka thënë më pare për The Hollywood Reporter se tre vëllezërit e saj më të mëdhenj kanë qenë “mbështetës” dhe “kuptues” përsa i përket vendimit të saj për të folur për mamanë e tyre në libër.
Burimi: Unilad
