Cover Story

Kush është njeriu që frymëzoi Alketa Vejsiun, Ermal Mamaqin dhe një botë të tërë!

Shkruar nga Anabel

10 Shtator 2019

Kush është njeriu që frymëzoi Alketa Vejsiun, Ermal Mamaqin

Pak ditë më parë, Alketa Vejsiu mori pjesë në seminarët e strategjistit të famshëm, Tony Robbins. Gjatë udhëtimit të saj në Singapor, Alketa ndaloi për t'u frymëzuar prej tij ashtu si miliona biznesmenë dhe njerëz të tjerë nëpër botë. 

 
 
 
 
 
View this post on Instagram
 
 
 
 
 
 
 
 
 
 
 

A post shared by ALKETA VEJSIU (@alketavejsiu) on

“Nuk kam parë në jetën time një njeri të flasë 14 orë dhe të mbajë 8500 njerëz të karikuar si ky njeri i jashtëzakonshëm!”- shkruan ajo në videon e postuar në llogarinë e Instagram-it.

Më herët edhe Ermal Mamaqi udhëtoi drejt Florida-s për të dëgjuar fjalimet frymëzuese të këtij njeriu. 

 
 
 
 
 
View this post on Instagram
 
 
 
 
 
 
 
 
 
 
 

A post shared by Ermal Mamaqi (@ermalmamaqiofficial) on

Por çfarë e bën kaq të famshëm këtë njeri, jehona e të cilit ka bërë kureshtarë mjaft shqiptarë për ta ndjekur nga afër, pavarësisht çmimit të kushtueshëm që kanë biletat.

Si fillim, kush është Tony Robbins?

Tony Robbins është momentalisht njeriu më frymëzues, që ka patur një rrugëtim zemërthyes dhe një fëmijëri të tmerrshme, që padyshim ka formuar atë që është sot.  Robbins është një prej “life coaches” (trajner/strategjist jete) më të famshëm të momentit. Drejtorët ekzekutivë të kompanive dhe miliarderë të bizneseve të mëdha konsultohen me të para çdo vendimi të rëndësishëm.

Ai fillimisht u bë i njohur kur ishte vetëm 26-vjeç vjeç për shkak të fuqisë që tregonte në fjalimet e tij dhe aftësisë për ta mbajtur turmën të emocionuar për orë me radhë gjatë seminareve. Gjatë eksperiencës së tij Tony Robbins është konsultuar me personalitete shumë të famshëm në USA dhe mbarë botën. Deri më tani, me punën e tij ka bërë që miliona njerëzve t’i ndryshojë jeta pozitivisht!

Përpos fjalimeve motivuese, ai është autor i 4 librave përmes të cilëve kërkon që njerëzit të shohin dritën brenda vetes dhe të punojnë me trurin e tyre në atë mënyrë që të arrinë nivelin e lumturisë që kërkojnë në jetë.

Kush është njeriu që frymëzoi Alketa Vejsiun, Ermal Mamaqin

Çfarë ka ky njeri që është kaq i suksesshëm?

Për 4 dekada me radhë, më shumë se 50 milion njerëz kanë shijuar ngrohtësinë, humorin dhe fuqinë transformuese të tij. Me qindra biznese kanë rezultuar të suksesshëm falë forcës që ai transmeton tek klientët e tij sipërmarrës. Ai listohet si një prej 200 guruve më të mirë të biznesit nga "Harvard Business Press" dhe si një prej 100 njerëzve me më shumë ndikim në financën globale.

Ndikimi që ka në botë

Tonny Robbins ua ka dedikuar jetën të tjerëve. Nga bëmat e tij të bamirësisë, ai konfirmon atë që thotë; besimin se duke dhënë më shumë, ne bëhemi më shumë! Ai arriti të bëhej çfarë është sot, duke ndjekur shembullin e figurave të mëdha botërore, me të cilët pati fatin të punojë, si Nelson Mandala,  Mikhail Gorbachev, Margaret Thatcher, Nënë Tereza dhe shumë të tjerë. Sot, miliona njerëz nga e gjithë bota konsultohen rregullisht me të për të ecur në rrugën e duhur.

Kush është njeriu që frymëzoi Alketa Vejsiun, Ermal Mamaqin

Cila është filozofia e jetës sipas Robbins?

Ai beson se njeriu mund të përmbushet plotësisht vetëm nëse jep, nëse shërben. “Ne ndihemi të vegjël dhe shumë më të sfiduar kur fokusohemi vetëm tek vetja!” Kjo sepse edhe kur mendon se e ke përmbushur veten duke marrë atë që mendon se doje, në një moment a tjetër do të shohësh se gjendesh në një pozicion që s’është kurrë mjaftueshëm. Me pak fjalë, ajo që do marrësh nuk do të bëjë kurrë të lumtur. KUSH t’i bëhesh mund të të bëjë shumë të lumtur ose shumë të trishtuar.  Kjo na bën të ndihemi gjallë!

Kush është njeriu që frymëzoi Alketa Vejsiun, Ermal Mamaqin

Sa kushton për t’u bërë pjesë e një prej seminareve të tij?

Një biletë e thjeshtë pranimi fillon nga 650$ , bileta VIP është $1,095, Diamond kushton $2,395 dhe Diamond Premiere është $2,995. Ndonëse ka patur mjaft diskutime rreth kostove të larta dhe fjalimeve të tij në përgjithësi, njerëzit vazhdojnë ta konsiderojnë takimin me të si një prej eksperiencave më motivuese të jetës së tyre.

MOS I HUMBISNI