KESHILLA PER BLERJET TUAJA
Top List

Gjithë gjërat që 20 e ca vjeçarët shqiptarë bënin kur ishin fëmijë

Shkruar nga Anabel

9 Shtator 2019

1. E vizatonim diellin në cep të fletës, sikur të varej jeta jonë nga pozicioni i yllit në “pikturë”.

2. Përpiqeshim të bënim bashkë dy polet e njëjta të magneteve edhe pse e dinim se s’do të bashkoheshin kurrë.

3. Zogjtë nuk vizatoheshin kurrë ndryshe. Me përjashtim të fëmijve që kishin talent në pikturë. Ata ishin tjetër gjë.

4. E hidhnim ujin në tapë dhe e pinim si të ishte alkool. Pastaj rrudhnim fytyrën sikur na digjte.

5. Meqë jemi te alkooli, të paktën një herë, të gjithë kemi pirë raki pa dashje sepse e kemi marrë për ujë.

6. Kemi tentuar t’i shtypim të gjitha ngjyrat njëherazi. Madje, po të kishit një stilolaps të tillë në dorë tani, do tentonit sërish.

7. Bënim këtë gjënë me gjilpërat, për asnjë arsye të shëndoshë.

8. I ngulnim lapsin gomës si të ishte thikë. R.I.P. goma.

9. Përsërisnim tabelën e shumëzimit sa herë nuk kishte drita. Çfarë tjetër mund të bënim? Të hanim veten me dhëmbë nga mërzia?

10. S’kemi bërë detyrat dhe jemi justifikuar të nesërmen në shkollë me mungesën e dritave.

11. Të gjithë kemi rënë pre e “thuaj arka shpejt dhe pa ndalim” ose një version të ngjashëm të këtij rrengu.

12. Kemi luajtur shtet-qytet në klasë, gjatë orëve të mërzitshme.

13. Bënim sikur prezantonim një emision në dhomën e gjumit, me motrat a vëllezërit në audiencë.

14. Blinim fletore a blloqe me Winx a Yu-Gi-Oh në kopertinë. E dini çfarë kohe është? Është koha për duel. (Winx Club është në Netflix, na falenderoni më vonë.)

15. Disa prej nesh, ata më të zgjuarit, ndihmonin zyshën me regjistrin që të largoheshin nga orët e mësimit.

16. Organizonim Miss Lagjia ose Miss Klasa, që e fitonte gjithmonë i njëjti njeri.

17. Për festa, bënim festë në klasë. Blinim ushqime të thata, dikush sillte kasetofonin dhe kërcenim aty, në praninë e mësuesëve. Pas festës, shkonim në qendër për të hipur të gondola ose t'u dhënë makinave.

MOS I HUMBISNI