Shanset që fati të të nxjerrë para rrugës tënde të duhurin janë 1 me 562. Edhe nëse jemi mjaftueshëm me fat dhe e takoni, nuk dihet sa gjatë do të rezistojë dashuria juaj. Gjithsesi, mos u tregoni pesimistë. Dashuria mund të jetojë për 20, 30 ose edhe më shumë vite të tjera. Për të gjithë skeptikët e kësaj deklarate, vjen si “provë” historia e dashurisë mes Sophia Loren dhe Carlo Ponti-it.
Aktorja legjendare e Hollywood-it, dashuroi vetëm 1 herë edhe pse gjërat për ta, s’ishin fare të thjeshta.
Sophia Loren e takoi dashurinë e saj kur ishte vetëm 16 vjeçe. Në fillim ai ishte vetëm producenti i saj, gjithçka tjetër nisi më vonë. Ponti u interesua më shumë se zakonisht që ajo të mësonte; ai i tregoi gjithçka. I mësoi si të sillej, e bëri të lexonte libra dhe këmbënguli që ajo të fliste anglisht. U kujdes dhe e mbrojti aktoren ashtu siç nuk kishte bërë për askënd tjetër më parë.
Shpejt, ata ndjenë diçka për njëri-tjetrin, pavarësisht diferencës 22-vjeçare. Ishte pikërisht dashuria që i ndihmoi të kalonin gjithë pengesat që iu shfaqën rrugës.
Sprova e parë ishte martesa e Carlo Ponti-it. Ai ishte i martuar dhe me 2 fëmijë. Në atë kohë, për t’u divorcuar duhet të merrje leje nga Vatican-i. Askush s’donte t’ja jepte divorcin, kështu që të dashuruarit u nisën drejt një udhëtimi. Në 1957, çifti u nis drejt Meksikës, ku ai divorcoi të shoqen për t’u martuar me Loren. U duk se asgjë s’mund t’i ndante më.
Kthimi në shtëpi solli të tjera telashe. Të sapomartuarit mësuan se martesa e tyre në Itali nuk njihej si legale. Ponti u akuzua për bigami dhe çifti nuk kishte të drejtë të dilte bashkë në publik.
Pas shumë vitesh, u zhvendosën drejt Francës ku morën dhe nënshtetësinë franceze. Ish-gruaja e Ponti-it e mori gjithashtu me kusht për të firmosur divorcin. Më në fund, në 1966-n, Sophia dhe Carlo u martuan sërish. Kësaj here, martesa ishte zyrtare!
Ylli i filmave nuk donte të ishte thjesht një grua e martuar. Ajo donte një familje të madhe me shumë fëmijë! Fatkeqësisht, nuk qe aq e thjeshtë. Aktorja dështoi 2 herë dhe iu desh të kurohej për një periudhë kohe. Sophia mbeti shtatzënë në moshën 34-vjeçare, por gjatë atyre muajve iu desh të qëndronte në shtëpi.
Në prill të 1968-s, vjen në jetë djali i parë i tyre, Carlo Ponti Jr. 4 vite më vonë, lind Edoardo, djali i dytë i çiftit të famshëm.
Carlo Ponti ishte burri, shoku, babai, producenti dhe dashnori i saj. Ai bëri atë që Sophia Loren është sot dhe të dy bashkë, përballuan stuhitë e jetës. Ishin të lumtur kështu dhe e donin njëri tjetrin derisa vdekja i ndau.
Qëndruan bashkë për 50-vjet derisa në 2007-n, Carlo Ponti vdiq nga problemet me mushkëritë. Ky vit, do të shënonte përvjetorin e artë të martesës së tyre!
