Për ditëlindjen e saj, Luana Vjollca përveçse na dhuroi një këngë, kishte menduar një festë të madhe dhe u duk se gjithçka shkoi sipas parashikimeve.
Ndonëse vetë Vjollca postoi shumë pak nga mbrëmja, në Instagram, nuk shpëton asgjë. Miqtë dhe të afërmit e saj postuan foto dhe video nga 28-vjetori i moderatores, e cila e festoi në një prej lokaleve të Drimadhes.
E veshur me një fustan të shkurtër e të shndërritshëm, Luana ishte epiqendra e party-it. Në story-it që Marina publikoi, u pa vajza e ditëlindjes teksa këndonte e kërcente me Getoarin, ndërkohë që në horizont, dukej partneri i saj, Krenar Çoçaj.
Mes të ftuarëve ishin shumë personazhë të njohur, si Lori Hoxha, Evi Reçi e shumë të tjerë, ndërsa për të kënduar në festën e saj, Luana zgjodhi Fifin.
Atmosfera u duk se u nxeh aq shumë, sa Luana dhe Marina nisën të lagnin njëra tjetrën (dhe jo vetëm), me shampanjë e ç'tu dilte përpara.
Gjatë mbrëmjes nuk mungoi as spektakli i fishekzjarrëve.
Si përfundoi do të thoni ju? Padyshim me një zhytje të mirë në det, për të nxjerrë alkoolin!
