Charlie Johnson, një infermiere nga Arkansas, shtet në SH.B.A, u diagnostikua me kancer në gji prillin e kaluar, sipas People. Ajo dhe bashkëshorti i saj vendosën që të fotografonin përballjen e tyre me kancerin si një mënyrë për të dokumentuar rrugëtimin e vështirë.
Për realizimin e një seti fotografik, ata shkuan në një kodër në periferi ku Charlie do të pozonte përbri bashkëshortit dhe familjarëve të tjerë. Por fotografja Mandy Parks këshilloi diçka ndryshe.
“Filluam të flisnim rreth këtij seti fotografik dhe mendova, ‘Pse të mos jesh ti ajo që i largon flokët? Pse të jetë kanceri?’” tha Parks. Charlie kishte të njëjtin vizion në mendje.
“Nëse gratë që vuajnë sfida të tilla, kanë frikë dhe shqetësohen për humbjen e flokëve dhe teksa shohin këto foto ndihen të fuqishme dhe mendojnë se mund t’ja dalëin, atëherë ne e kemi arritur qëllim tonë,” u shpreh Johnson.
Fill pasi Mandy publikoi fotot në rrjetet sociale, të shumtë qenë njerëzit që komentuan dhe folën hapur për rrugëtimin e tyre kundër kancerit.
Dikush shkroi: “Kisha kaq nevojë për Charlie Johnson. Dje nuk ndihesha mirë dhe parukja po më shtonte dhimbjen e kokës, kështu që e hoqa. Doja të zvarritesha poshtë tavolinës së punës në mënyrë që njerëzit të mos më shihnin. Kisha frikë se do të më paragjykonin për shkak të pamjes sime. Ndihesha e turpëruar. Faleminderit nga zemra Charlie-t që më prezantoi një tjetër perspektikë.”
