Mungesa e Anxhela Peristerit në dasmën e Erik Lloshit, shtoi edhe më zërat se mes dy shokëve marrëdhënia ka ndryshuar. Gjatë kurorëzimit të këngëtarit, ishin të pranishëm një pjesë e mirë e kolegëve të tij, por jo Anxhela, me të cilën prej kohësh kanë qenë miq të mirë.

Gjithsesi, s’pati asnjë reagim nga asnjëri prej tyre, deri pak orë më parë, kur Anxhela hodhi poshtë të tilla thashetheme përmes një postimi.

Në Instagram-in e saj, këngëtarja postoi një video nga kënga e re e Erikut , në shenjë mbështetjeje.

“Shumë suksese! Dashuria të frymëzoftë për këngë sa më të bukura.”- shkruan Peristeri dhe s’ka më vend për asnjë aludim.

Gjithçka mes dyshes është si më parë dhe mungesa në dasmë ka patur sigurisht një tjetër arsye, por jo atë që menduan të gjithë.