KESHILLA PER BLERJET TUAJA
Celebrity

Fëmija i parë i ish-çiftit nuk e sheh veten si djali i Brad Pitt

Shkruar nga Anabel

21 Gusht 2019

Tre vite më parë, kur Angelina dhe Brad Pitt vendosën të divorcoheshin, pati zëra se Brad dhe Maddox, djali i madh i çiftit, asokohe 15-vjeçar, patën një grindje teksa udhëtonin me avion privat. Sipas burimeve të Us Weekly, që prej asaj kohe, marrdhënia e tyre nuk është përmirësuar.

Sipas po të njëjtave burime, 18-vjeçari “është shumë i afërt me të ëmën”, por nuk e sheh veten si djali i Brad Pitt.

Në shtator të 2016-s, pati raportime se Pitt “iu hodh në fyt” djalit pasi ky i fundit u përpoq të mbronte verbalisht të ëmën gjatë një grindjeje në avion. Ngjarja u tha se ndodhi gjatë një fluturimi me avion privat teksa ktheheshin nga Franca. Incidenti asokohe u hetua nga Departamenti i Shërbimit ndaj Fëmijëve dhe Familjes në Los Angeles dhe u pasua nga firmosja e dokumenteve të divorcit nga Angelina Jolie pak ditë më pas.

Së fundmi, raportohet sërisht se marrëdhënia e Maddox me Brad Pitt është e tensionuar dhe nuk është përmirësuar që prej asaj kohe. Madje ai së bashku me 15-vjeçarin Pax nuk shkuan në shtëpinë e Brad gjatë Krishtlindjeve të vitit të kaluar. Sipas burimeve të Us Weekly, “djemtë nuk pranuan të shkonin”.

Disa vite para se Brad Pitt dhe Angelina Jolie të konfirmonin zyrtarisht lidhjen e tyre në vitin 2006, aktorja adoptoi vogëlushin Maddox. Gjatë marrëdhënies së tyre 11-vjeçare, Brad Pitt e njohu Maddox si djalin e tij. Ish-çifti adoptoi edhe djalin Pax dhe vajzën Zahara, ndërsa bashkë sollën në jetë Shiloh dhe binjakët Knox dhe Vivienne.

MOS I HUMBISNI